Jerusalem, Risaw:
U Myntri Rangbahduh ka Israel- u Benjamin Netanyahu, ha ka Sngi Palei u la ong ba ka jinglah jong ka Israel ban pynliem noh ia utei u nong-ialam ka Hamas, uba long ruh u nongsuh buit ha ka jingleit thombor ki Hamas ia ka Israel ha ka 7 tarik u Risaw, 2023, ka long ka lad kaba biang tam ban ioh wanrah noh ia ka jingsangeh thma ha Gaza. Nangta ruh u la ong ba kane ka jingioh pyniap jong ka Israel ia utei u heh ka Hamas, ka pyni ba ka thma ha Gaza ka la jan kut artad.
Namar la ong ba ka Israel ka la dep kular ba kan ym sangeh ia ka thma katba kam pat ioh ban pynliem lut ia ki heh ka Hamas kiba don kti ha ka jingthmu ban leit thombor ia ka Israel ha u Risaw jong u snem ba la leit.
