Madrid, Naitung:
Da ki spah ngut ki nongpynlip ding ha Spain ki dang ïakhun ban teh lakam ïa ki jyngkhang ding ha ka thaiñ shatei lam mihngi hadien kawei na ki jingpluh khlaw kaba shyrkhei tam ha katei ka ri.
La pynjari ïa ki bor ai jingiarap kyrkieh ha kylleng ka shnong Bedar ha kaba 12ngut ki briew ki la iap – napdeng jong ki, ki don saw ngut ki nong Britain, ong ka khubor jong ki bor synshar jong ka Spain. Sa 23 ngut ki dang jah rngai.
Ki heh sorkar jong ka thaiñ Los Gallardos ha Almería, ki la maham ba ka jingdon jong kiba ïap, ka lah ban nang kiew, da ka jingtieng, ba ki don shuh ki nong Britain, kiba don napdeng kiba shah pynïap.
Ka jingshit kaba bteng bad ka jingshit kaba haduh kumba 40C (104F) ka la wanrah ïa ka jingpluh ding khlaw ha kylleng ka South Europe mynta ka aiom lyiur, khamtam ha France, Portugal bad Spain.
‘Kaba pyntieng shisha, kaba stet haduh katta katta’: Ki nongsakhi ki batai shaphang ka jingphet krad na ka ding khlaw kaba pyniap briew ha Spain
Ka France ka la buh jingthoh ïa 2,025 ngut kiba iap palat ha ka por ba jur bha ka jingshit katba ka Europe ka dang pynkhreh ïa ka jinglong ka suinbneng kaba kham jur.
Ka jingshit kaba jur bha, ka khyndew kaba rkhiang haduh katta katta bad ka lyer kaba jur ka la pynlong ïa ka ding jong ka Los Gallardos ban pur stet ha ka janmiet jong ka sngi Thohdieng.
U Antonio Sanz, myntri ka koit ka khiah jong ka Andalusia, u iathuh ha ka sngi saitjain, ba ka ding, ka la bam duh ïa ka jaka kaba heh 6,600 hectare (16,300 acre).
La buh ïa ka daw ha ka jinghap jong u lain bording, hynrei ki kompeni bording jong ka thain ki la kyntait ïa kane.
Ym shym la ai jingtip shuh shaphang ki saw ngut kiba la lap ba ki la iap ha kawei ka kali kaba la shah thang.
U Sanz u la ong ba mynshwa la ngeit ba ki dei kiba “wan na ka ri Bilat” bad ba katei ka kali ka don ïa ka steering ha ka liang kadiang.
