Kohima, Naiwieng:
Ka Naga National Political Groups (NNPG) ka la ong ba ka Sorkar Kmie ka dei ban pynkut noh ïa ka jingïateh ïasuk jong ki Naga katkum ki kyndon jong ka jingïateh ba la ïasoi bad katei ka kynhun ha u snem 2019, ha kaba ki kyndon jong kane ka jingïateh ki kynthup ïa ka sla ba kyrpang ha u snem 2019. Ki passport jong ka India na ka bynta ki Naga bad ka ïingdorbar thawaiñ kaba don ar tylli ki ïingdorbar ha Nagaland.
Ka NNPG ka la ong ba ka jingpynbeit ha ki kam saiñ hima-sima kaba la poi bad ka sorkar kmie ka la ithuh pura ïa ki Naga, da kaba don ka sla ba kyrpang ha ka passport ka India, ka kynhun bakyrpang jong ki Naga ha baroh ki jingïalehkai pyrthei bad ka jingpynkhlaiñ ïa ka jingïalang ha baroh ar tylli ki ïingdorbar thawaiñ.
Ka NNPG, kaba dei ka kynhun kaba ar hadien ka kynhun badonbor jong ka Isak-Muivah jong ka National Socialist Council of Nagaland (NSCN-IM) ban ïakren ïasuk bad ka sorkar pdeng, ka la soi ïa ka “Agreed Position” ha ka 31 tarik u Lber, 2019, ryngkat bad ka u nongïakren ne nongmihkhmat ki Naga ha kata ka por, u R.N. Ravi, uba long mynta u Lat ka Tamil Nadu.”Ka NNPG ka kyrmen ba ka sorkar India kan pyndep ïa ka jingsoi ïa ka soskular ha u snem 2024 hi,” ong ka kyrwoh ba la wan na ka NNPG kaba kynthup ïa ki hynñiew tylli ki kynhun.
