Agartala, Naiwieng:
U Myntri Rangbah barim ka Tripura, u Manik Sarkar, u la kynnoh ba ka Bharatiya Janata Party (BJP) ka la duh jingkyrshan ha katei ka jylla, da kaba pynshong nongrim halor ka jinghiar bad ka jingbym lah jong ka seng ban pyndep ïa ki jingkular ba la ai ha ka ilekshon sha ka ïingdorbar thawaiñ 2018.
U Sarkar, uba dei u heh nongïalam jong ka seng Communist Party of India (Marxist) [CPI(M)], u la kdew sha ka jingjop ba pawnam jong ka BJP ha u snem 2018, ha kaba ka la ïoh 36 na ki 60 tylli ki konstitwensi bad 51% ha ka jingïabhah ïa ki vote. Hynrei u la kdew ba ha ka ilekshon 2023, ka jingïoh vote jong ka BJP ka la hiar sha ka 39%.
U Sarkar u la ai jingmut ba ka jingbym lah jong ka seng ban pyndep ïa ki jingkular ka la pynlong ïa ka jingbym sngewhun kaba nang jur hapdeng ki nongthep vot kaba pynlong pat ïa ka seng ban duna shah jied.
