Bengaluru, Naiwieng:
U nongïalam jong ka kynhun lehnoh Maoist u Vikram Gowda u la shah pynïap ha ka jingïasiat kaba markylliang ha ka khlaw Kabbinale kaba don ha Udupi distrik ha Karnataka ha ka miet jong ka Lah Sngi U Blei, la ïathuh ki pulit hynnin ka sngi.
Kane ka dei ka jingïasiat ha ka sien kaba nyngkong ha kane ka thaiñ ha ki 13 snem.
U heh pulit u la ong ba ïa ka jingleit thwet lehnoh la pynlong haba ki la ïoh jingtip shaphang ka jingdon jong san ngut ki dkhot jong ka kynhun lehnoh Maoist ha ka shnong ban leit thied ïa ki jingdonkam jong ki kaba man la ka sngi.
U la bynrap shuh shuh da kaba ong ba kane ka jingleit khynra lehnoh ba la pyntreikam ha kane ka thaiñ ka la wanrah ïa ka jingïasiat kaba markylliang bad ki lehnoh kaba la neh kham slem.
U Gowda, uba long u heh nongïalam jong ka kynhun, u la ïap hashen katba u dang pyrshang ban phet na ka jaka ba la don ka jingïasiat.
U Gowda u la donkti ha kiba bun ki kam pyntriem jong ki lehnoh Maoist ha ka thaiñ.
Ka jingkhynra lehnoh ka la pynlong ïa u ba un ïap, ha kaba kane ka long shi bynta jong ka jingpyntreikam kaba dang ïaid shakhmat ban ïakhun pyrshah ïa ka jingjur jong ki kam pyntriem jong ki lehnoh Maoist ha Western Ghats.
Ïa ka khubor jong ka jingdon jong ki lehnoh la ïoh jingtip ha ka bynta jong ka Dakshina Kannada, kaba don ha Karnataka khamtam ha Kadaba, ha ka thaiñ Sullia bad Chikkamagaluru.
La ïoh ban kurup ïa lai tylli ki tiar ïasiat na ka ïingsah hadien ba ka nongïalam jong ka kynhun lehnoh Maoist ka Mungaru Latha ba ka kynhun jong ka.
