Imphal, Naiwieng:
Ki skul bad kolej ha Manipur’s Imphal Valley kin dang khang haduh ka 23 tarik u Naiwieng na ka bynta ka jingshngaiñ jong ki khynnah skul, ong ki jingpynbna ba la pynmih ha ka Sngi Balang.
Ki skul bad kolej ha ki san tylli ki distrik jong ka Them Imphal West, Imphal East, Thoubal, Bishnupur bad Kakching, ki la shah khang khyrdep ha ka 16 tarik, Naiwieng haba la mih biang ki jingkulmar ha kane ka jylla hadien ka jingïakynad ha Jiribam distrik.
Baroh ar ki skul bad ki kolej ba la pynïaid da ka sorkar bad ki riew shimet kin dang khang ha katei ka por ba la buh, la ong ki jingpynbna.
