Guwahati, Naiwieng:
Ka Royal Global University (RGU), ka Pioneer University jong ka Ri India, ka pynbna ïa ka jingïatreilang bad ka Balipara Foundation ban pynlong lang ïa ar tylli ki jingïalang kongsan jong ka jingïalang pawnam jong ka 12th Eastern Himalayan NaturenomicsTM Forum 2024, kaba la buh ban long ha ka 26 tarik Naiwieng haduh ka 27 tarik, Naiwieng, 2024, ha phyllaw jong ka RGU. Kane ka jingïalang kaba la ithuh ha ka pyrthei baroh kawei, kaba la thmu da u Shri Ranjit Barthakur, u Nongseng bad President jong ka Balipara Foundation, bad ka jabieng kaba don ha lyndet jong ki jingmut jong ka NaturenomicsTM bad Third Pole, ka long kum ka jingkhot ban leh na ka bynta ban pynïasoh lang ïa ka mariang bad ka ïoh ka kot ban weng ïa ki jingeh ha ka mariang bad ban ïaleh pyrshah ïa ki jingeh kiba khanglad ha ka liang ka roi ka par. Haba kren shaphang kane ka jingïalang, u Ranjit Barthakur u la ong, “Ka jingmut jingpyrkhat jong ka NaturenomicsTM ka dei halor ka jingthaw ïa ka jingïatylli hapdeng ka mariang bad ka ïoh ka kot, ban pynkup bor ïa ki kynhun jaitbynriew, bad ban pynphai biang ïa ka jinglong ryntih jong ka mariang. Ki East Himalayas bad ka Third Pole ki long kiba kongsan bha na ka bynta ki jingthaw ba im ha ka pyrthei bad ki marpoh khyndew, bad kane ka jingïalang ka long ka rynsan ban thaw ïa ki lad ki lynti kiba thymmai kiba buh hakhmat eh ïa ka jingsumar katba ki kyntiew ïa ka jingim nongkyndong. Ngi sngewkmen ban ïatreilang bad ka Royal Global University, ka jaka pule kaba aiti ban pynsan ïa ki nongïalam ha ka lawei bad ban pynïaid ïa ka jinglong jingman.”
Ka RGU kan pynlong lang ïa ar tylli ki jingïalang ha kaba ki don katto katne ki nongïalam bad ki nongthaw ryntih ïa ki rukom pyntreikam kiba pawnam ha ka pyrthei. Ka jingïalang kaba nyngkong, kaba la ai kyrteng “Acting for the Third Pole” kan long ha ka 26 tarik u Naiwieng, 2024, naduh ka por 1:00 baje nohphai sngi haduh ka por 2:30 janmiet. La pynïaid da ka Dr. Sunayana Sarkar, Assistant Professor ha NMIMS University, ïa kane ka jingïalang yn pynleit jingmut ha ki buit treikam ban pynneh pynsah ïa ki marpoh khyndew ba kongsan jong ka um bad ki jingthaw ba im jong ka Third Pole.
Ka kynhun ba donburom kan kynthup ïa u S. Ramadorai, CEO barim bad MD jong ka Tata Consultancy Services; u Dr. Richard Milburn MBE, u nonghikai ha ka liang ka jingïada ïa ka mariang ha ka King’s College London; U Sourav Roy, CEO ka Tata Steel Foundation; u LobsangSangay, Senior Visiting Fellow ha Harvard Law School; u Kaizad M. Bharucha, Deputy Managing Director ka HDFC Bank; bad u Himal Tiwari, uba long u Chief Human Resources Officer bd u Chief CSR bad Sustainability ha ka Tata Power. Ka jingïalang kaba ar, “Evangelizing the Third Pole and the Eastern Himalaya,” kan a long ha ka 27 tarik, Naiwieng, 2024, naduh ka por 10:30 mynstep haduh ka por 12:00 baje mynsngi, kan wad bniah ïa ka jingdonkam jong ka mariang bad ka kolshor jong ki Eastern Himalayas, katba ka dang kren shaphang ki jingïathuhkhana shaphang ka jingpynneh pynsah ïa ki jingleh jingkam ha shi tyllup ka pyrthei.
La pynïaid da u Rituraj Phukan, u nongseng jong ka Indigenous Climate Justice Forum, ha kane ka jingïalang yn don ki nongïashim bynta ba donburom kum ka Syiem ka Syiem DiambiKabatusuila na ka ElikiaHope Foundation; u Anil Chaudhury, Advisor bad u MD bad CEO barim jong ka Schneider Electric; u Shekhar Gupta, u nongseng jong ka ThePrint; u Dr. Ashok Khosla, u Chairman of Development Alternatives; bad ka Ruma Devi, ka nongkitkam na ka bynta ka imlang sahlang bad ka nongseng kam seng jam kaba pawnam.
