New Delhi, Nohprah:
Ki nong Delhi ki la dap da ka jingkyndit haba ki ïohi ba ka suiñbneng ka la kham khuid ha kine lai sngi lynter namar ba ka jingkhuid jong ka lyer ha ka nongbah ka dang don ha ka kyrdan ‘kaba shu biang’ hynnin ka sngi ka sngi Thohdieng.
Kumba la sakhi, la ong ba ha ka por 9 baje mynstep, ka Air Quality Index (AQI) jong ka Delhi ka long 187, kaba kiew khyndiat na ka jingkheiñ kaba la long ha ka sngi Palei, kaba long 161, katkum ka jingtip jong ka Central Pollution Control Board (CPCB). kyrdan ha ka kyrdan ‘ba duk’, katba kiwei pat ki sah ha ka kyrdan .
Ka kyrdan ‘ba pdeng’, na ki 38 tylli ki jaka pyntreikam kiba la ïohlum jingkheiñ ha kaba ïadei bad ka jinglong jong ka lyer, la ïoh jingtip ba ki la don kumba 14 kyrdan ki jinglong jong ka lyer kiba pynpaw ïa ka jingjaboh, katba kiwei pat ki don ha ka kyrdan kaba shu biang, katkum ka jingai jingtip jong ka CPCB.
Ka AQI hapdeng ka 0 bad 50 la kheiñ ba ka long kaba ‘bha’, 51 bad 100 ‘kaba shu biang’, 101 bad 200 ‘ba pdeng’, 201 bad 300 ‘ba jaboh’, 301 bad 400 ‘ba kham jaboh’, bad 401 bad 500 ‘ba jur ka jingjaboh’.
Ka jingshit jingkhriat kaba duna tam jong ka nongbah ka la hiar da 1 degree hapoh kaba ju long ha ka 8.5 Degree Celsius ha ki ar sngi lynter, la ïathuh ka India Meteorological Department (IMD).
Ka Delhi ka la ïoh ïa ka miet kaba khriat tam jong ka aïom Tlang ha ka sngi Balang, ha kaba ka jingshit ka la hiar sha ka 8.5 Degree Celsius, kaba pynlong ïa ka sngi Palei kum ka sngi kaba khriat tam haduh mynta.
Ka IMD kum ka tnat ba dei khmih halor ka jing-long-jingman jong ka suiñbneng ka la ïathuh lypa ba kan sa don ka jingkahdum jong u lyoh khyndew na ka bynta shi sngi, ha kaba ka jingshit kan sa long tang haduh kumba 27 Degrees Celsius.
