Dawa u Abdullah ban buh jylla biang ïa ka J&K

U Myntri Rangbah jong ka jylla u Omar Abdullah ha kine ki khyndiat sngi ba la lah, u la buh da ka jingkyrpad ïa ka sorkar pdeng ba kan pyndep ïa ka jingkular jong ka...

Srinagar, Nohprah:

U Myntri Rangbah jong ka jylla u Omar Abdullah ha kine ki khyndiat sngi ba la lah, u la buh da ka jingkyrpad ïa ka sorkar pdeng ba kan pyndep ïa ka jingkular jong ka ban pynïoh biang ïa ka jinglong jylla sha ka Jammu and Kashmir, da kaba ong ba ki briew kiba don ha ka bor ki long kiba “ym myntoi” ïa ka jylla.

Haba ïakren bad ki lad pathai khubor hadien ka jingïalang ba la pynlong da ka Jammu Chamber of Commerce and Industry, u Omar u la ong ba “ka la don ka jingkular ïa ki paidbah ka Jammu & Kashmir, kaba la pynpaw paidbah, hapoh ka Parliament bad ka Supreme Court, ym tang shisien, hynrei palat ïa ka shisien”.

“La pynthikna bunsien ba yn pynphai biang ïa ka jinglong jylla ba pura sha ka J&K”, u la ong bad bynrap ba “ki Dual Power Center kim long kiba myntoi ïa kano kano ka sorkar bad dei na kata ka daw ba kam shym la don kum kane ka jingpynbeit ha kano kano ka jylla”.