Kolkata, Naiwieng:
Kawei ka liengsuiñ jong ka Air India, kaba leit sha Mumbai, ka la shah pynkynriah sha ka jaka ba sharud jong ka kad liengsuiñ jong ka Kolkata, ha ka step jong ka sngi Balang, hadien ba la lap ïa ka jingthoh kaba byrngem ban rahbor ïa ka liengsuiñ, ha ka kamra leit bar jong ka, tang khyndiat por shwa ba kan mih kumba la buh, ong ka khubor.
Kane ka liengsuiñ, ka dei ban kiew ha ka por 10.20 baje mynstep. Katei ka jingthoh, ka maham ba kane ka liengsuiñ, kan shah rahbor ha ka por 11.10 baje mynstep, ong U Vikram Singh, u Director ka kad liengsuiñ jong ka Kolkata, la ïathuh ka tyllong khubor.
Baroh ki nongleit nongwan kiba la kiew ha katei ka liengsuiñ, ki la shah pynhiar noh hadien ba la lap ïa katei ka kot, bad la pynkynriah noh ïa ka liengsuiñ sha ka jaka ba la buh kyrpang na ka bynta ban jurip da ki bor ba dei khmih.
La pyntreikam mardor ïa ki kyndon pahara, bad la peit bniah bha ïa ka liengsuiñ kum ka lad jingïada, la ong u Singh.
Haduh ba la thoh ïa ka khubor, ym pat lah ban tip bniah mano ba la buh ïa katei ka jingthoh lane mano ba la don bynta, ka jingtohkit ka dang bteng.
