
Aizawl, Nohprah:
Ka Mizoram ka la ïoh ïa ka jingkheiñ kaba shyrkhei kaba long 147 ngut kiba ïap na ka jingpang TB naduh u bnai Kyllalyngkot jong u snem 2024, katkum ka jingkheiñ ba la pynmih ha ka Lah Sngi U Blei.
Ka tnad ka koit ka khiah jong ka Mizoram ka la pynpaw ba 2,164 ngut ki briew ki la shah ktah ha ka jingpang TB na ki 24,017 tylli ki nongmuna ba la khmih bniah hapdeng u bnai Kyllalyngkot bad 9 tarik, Nohprah. Katba ka 80% na ki nongpang kiba ïoh ïa ka jingpang ki la ïoh ïa ka jingsumar kaba jop, kane ka jingpang ka la paw ba ka lah ban pynïap ïa 147 ngut ki briew.
Ha u snem ba la lah, ki la don kumba 108 ngut ki briew kiba la duhnoh ïala ka jingim na ka jingpang TB ha ka jylla. Haba sdang ïa ka jingpynsngewthuh paidbah ban pynduhjait ïa ka jingpang TB kaba 100 sngi, u Myntri ka tnad State Food, Civil Supplies and Consumer Affairs, u B. Lalchhanzova u la pynksan ïa ka bynta kaba kongsan jong ki Balang, ki seng trei mon sngewbha, bad ka jingïadon bynta lang jong ki paidbah ha kaba pyndap ïa ki jingpyrshang jong ka sorkar ban pynduhjait ïa ka jingpang TB. Ka Mizoram kam lah ban lait na ki jingeh ha liang ka koit ka khiah.