Kynthoh u Rajnath ïa ka seng Congress halor ka Riti Synshar

Ka General Election kaba nyngkong eh ha ka ri kam shym la shim la long ka Congress kam shym la don ka jingbthah."

New Delhi, Nohprah:

U Myntri ka tnat ïada ri, Rajnath Singh, ha kine khyndiat sngi ba la leit u la ther tyngeh ïa ka seng Congress, da kaba sdang ïa ka jingkren jong ka sorkar, ha kaba ïadei bad ka jingïatai halor ka Riti Synshar jong ka ri, ha Lok Sabbha.

U Singh, uba dei u nongkren ba nyngkong eh na ka kynhun NDA, u la ong, “Ka Congress kam ju burom ïa ka Riti Synshar lane ïa ki jinglong jong ka Riti Synshar, lane ki kynhun riti synshar. Ki nongïalam jong ka Congress, ki ju buh ïa ka jingmyntoi shimet halor ki jinglong jong ka riti synshar bad ka burom jong ka riti synshar.” “Ka seng Congress kaba rwai ïaroh ïa ka riti synshar mynta, ha ka jaka ban burom ïa ka hukum jong ka ïingbishar ba ha khlieh duh, ka la pynkhyllem ïa ka jinglaitluid ban kren bad pynpaw pyrthei jong ki nongshong shnong da kaba pynkylla ïa ka riti synshar ha u snem 1951 hi. Ka General Election kaba nyngkong eh ha ka ri kam shym la shim la long ka Congress kam shym la don ka jingbthah.”

Ha kaba ïadei bad ka mukotduma Shah Bano, u Myntri ka tnat ki kam pohïing u la ong, “Kynmaw ïa ka mukotduma Shah Bano kaba la long ka rai kaba maham na ka bynta ka hok jong ki kynthei Muslim ha India. Ha kane ka mukotduma, ka Supreme Court ka la ai ïa ka rai ha ka liang jong ka Shah Bano.”

“Lyngba kane ka rai, ka Supreme Court ka la ong ba ki kynthei Muslim ruh ki don hok ban ïoh ïa ka bai bam.” ïa kane ka jingïatai la khot ban rakhe ïa ka jingdap 75 snem jong ka Riti Synshar jong ka ri. Lait na u Singh, kumba 12-15 ngut kiwei pat ki nongmihkhmat na ka tnat pla tyngka kin ruh ka jingkren.

U Myntri Rangbahduh u Narendra Modi, u la pynkut noh da ka jingkren jong u ha ka sngi Saitjaiñ. Kane ka jingïatai, ka long hapdeng ka jingsahkut ha Parliament, halor ka jingkynnoh ba ka Sonia Gandhi bad u George Soros ki don ka jingïadei.

Ka BJP ha ka Sngi U Blei ka la kynnoh ba ka Sonia ka don jingïadei bad ka Forum of Democratic Leaders in Asia-Pacific (FDL-AP) kaba la bei pisa da u George Soros bad ka la shakri ïa katei ka seng ha ka kyrdan jong ka Co-president.

Ka BJP ka la kynnoh ba ka seng ba la seng da u Soros ka kyrshan ïa ka jingmut jong ka Kashmir kum ka jaitbynriew kaba laitluid.

Ka seng ka la kynnoh ruh ba ka Rajiv Gandhi Foundation, hapoh ka jingpynïaid jong ka Sonia Gandhi, ka la ïatreilang bad ka Soros Foundation, “kaba pyni ïa ka jingktah jong ka jingbei tyngka nabar ri ia ki seng India.”