ïaroh u Shah ïa ka Sorkar Chhattisgarh naba ïakhun tyngeh ïa ki Maoist

"Ka sorkar kmie, ha ka jingïatreilang bad ka sorkar Chhattisgarh, kan pynthikna ïa ka jingkyrshan kaba pura ïa ki longïing kiba shah ktah ha ka kynhun lehnoh Maoist.

Raipur, Nohprah:

U Myntri ka tnat ki kam pohïiing jong ka sorkar kmie u Amit Shah ha ka Lah Sngi U Blei u la ai ka jingïaroh ïa ka Sorkar Chhattisgarh kaba la kut jingmut ban ïaleh pyrshah ïa ki lehnoh Maoist ha kane ka jylla. Haba kren ha ka jingïalang kaba la long ha Jagdalpur, u Shah u la ïaroh ïa ka rukom ïatreilang kaba la shim da ka sorkar jylla bad ki tnad treikam pdeng ban ïaleh pyrshah ïa kane ka kam da kaba paka.

Ha ka jingleit jong u, u Myntri ka tnat ki kam pohïing u la ïakren bad ki Maoist kiba la wan pyndem  bad ki bahaïing bahasem jong ki, da kaba ai jingkyrshan bad ban jingkyrshan ïa ki. U la ban jur ïa ka jing-angnud jong ka sorkar ban pynbha pat ïa kito kiba shah ktah ha ka jingshah thombor bad kyntu ïa ka jingpyrshang lang ban pynduh jait ïa ka kynhun lehnoh Maoist na kane ka thaiñ.

“Ka sorkar kmie, ha ka jingïatreilang bad ka sorkar Chhattisgarh, kan pynthikna ïa ka jingkyrshan kaba pura ïa ki longïing kiba shah ktah ha ka kynhun lehnoh Maoist. Nga kyrpad ïa baroh ban ïasnohkti lang bad ki jingïakhun pyrshah kiba dang ïaid shakhmat da baroh ar tylli ki sorkar ban pynduh jait ïa kane ka jingsniew,” u la ong.