Aizawl, Nohprah:
U Myntri Rangbah ka jylla Mizoram u la pynpaw ka jingsngewnguh ïa ka jingtrei shitom jong ka Project Monitoring Committee bad kyntu ïa ki ba kin dang ïai bteng ban pynkhreh ïa ki kaiphot kiba bniah halor baroh ki projek kiba dang ïaid shakhmat.
Ha kane ka jingïalang, la pynlong ïa ka jingbishar bniah ïa ki projek ba la leh hapdeng u bnai Nailur bad Naiwieng 2024.
Ki projek ba la bishar bniah ki kynthup, ka jingshna ïa ka Multipurpose Ground at High Field, Mc Donald Hill, Aizawl under Smart City Mission, ka Eklavya Model Residential School, Tlangnuam, ïa ka Brood Bank, Thenzawl hapoh ka PMMSY 2020, ka jingpynheh & pynbha ïa ka surok naduh Durtlang Leitan sha Sihphir section jong ka surok Aizawl – Durtlang – Lungdai – Kawnpui hapoh ka CRIF.
Ka komiti ka la ïakren ïa ki jingduna ba la ithuh ha kine ki projek, ryngkat bad ka jingïaid shaphrang jong ki, bad ka la pyrkhat ïa ki buit ban weng ïa kine ki jingeh bad ban pynthikna ba kan bteng ban pyntreikam. Nalor kata, la ïakren ruh ïa ki mat kum ki jingeh kiba ïakynduh ha ki kam shna ïing kiba heh, ki jingpynslem namar ki kontraktor, bad ka jingai por ban pynjlan por.
Ka komiti ka la wad ïa ki lad ki lynti bapher bapher ban kyntiew ïa ka jingtreikam jong ka bad ban pynthikna ïa ka jingpyntreikam kaba suk ïa ki projek.
