Lyngba u Bob pynliem ka Lamare ïa ka Guwahati FC ha ka Maitshaphrang Cup

Kane ka nam jop ka la wan urlong lyngba u Bob Pathaw, uba la thep ar kol ha ka minit kaba 33 bad 83.

Shillong, K’Lyngkot 24

Ka Lamare Sports Club ka la pynliem noh ïa ka Guwahati FC da 2-0 kol na ka bynta ban khur jingjop ha ka Maitshaphrang Cup 2025 ha ka sngi Saitjaiñ ha madan Umsning.

Kane ka nam jop ka la wan urlong lyngba u Bob Pathaw, uba la thep ar kol ha ka minit kaba 33 bad 83.

Ïa kane ka lympung la pynïaid ka KSU Umsning Circle ha kaba ka khusnam na ka bynta ka kynhun ka ban khur ïa ka nam lahduh kan long T. 5 lak bad kaba wan ba-ar kan ioh T. 2 lak nalor ki khusnam shimet.