Bengaluru, Rymphang:
U Myntri Rangbah ka jylla u Siddaramaiah ha kine ki khyndiat sngi ba la leit, u la ong ba um don ka jingkhmih lynti kaba kham bun na ka mang tyngka jong ka sorkar kmie, kaba dang wanrah da ka Myntri pla tyngka jong ka sorkar kmie ka Nirmala Sitharaman ha kane ka sngi Saitjaiñ, namar ba ka sorkar kmir kam shym la lah ban pyllait pisa na ka bynta ki prokram ba la pynbna ha ka mang tyngka ba la dep.
U la ong ba ka sorkar kmie ka la pynbna ban bei tyngka kaba T.5,300 klur na ka bynta ka Upper Bhadra Project ha u snem 2023-2024, hynrei kam pat pyllait pisa haduh kine ki sngi. Haba kim pat pynmih ïa kaei kaba ki la pynbna ha ka mang tyngka kaba hashwa, kaei kaba ngi lah ban khmih lynti ha ka mang tyngka mynta u snem, u la kylli.
U la kynnoh ba ka sorkar kmie kam shym la leh hok ha kaba aiti ia ka khajna. Katba ka sorkar jylla ka lum 4.5 lak klur tyngka sha ka sorkar kmie, ka ai biang tang 60 hajar klur tyngka sha ka jylla.
Ka sorkar kmie ka la ai ram T.5,400 klur sha ka NABARD, hynrei ka la ot 58% kaba ktah ïa ka jinglah ban ai ram jong ki Cooperative Bank bad ki Society, u la kdew.
Ki briew ki leit sha ki jaka pule kiba ai ram ïa ki da kaba suk, hynrei ki pynkut noh da kaba siew ïa ka sut kaba heh palat. Kine ki kynhun pynmih pisa ki shim ïa ki rukom pynbor, kum ka jingshim kam ïa ki runar, ban ïoh biang ïa ka ram.
“Ka sorkar ka la wan da ka kyndon aiñ hapoh ar sngi ban tehlakam ïa ki kompeni ba ai pisa, ki don napdeng jong ki kiba shim ïa ka sut kaba palat pud kaba long hapdeng ka 28-30 percent. Ki nongshim ram ki pyndonkam da ki lad ki lynti kiba palat pud kum ka jingpynïap ïalade, khlem lah ban shah ïa ka jingshah pynshitom beiñ na kine ki jaka pule,” u la bynrap.
U la kyrpad ïa ki paidbah ba kim dei ban pynïap ïalade ne mih na ki shnong jong ki, namar ba ka sorkar ka don ryngkat bad ki. Ka sorkar kan leh da kaba tyngeh pyrshah ïa kine ki kompeni kiba pynkheiñ ïa ki kyndon jong ka RBI bad kiba lum kham bun ban ïa ka pisa ba kongsan, u la bynrap.
Halor ka jingthombor jong u president ka BJP ka jylla u BY Vijayendra ïa ka Congress namar ka jingkynthoh ïa ka jingïakynad ha Kumbh Mela ha Uttar Pradesh, u Siddaramaiah u la ong ba ki kynthoh ïa ki jingbakla na ka liang jong ka jylla, kaba la synshar da ka sorkar BJP.
“Ngi don ka hok baroh ban kynthoh haba don kiba leh bakla. Ka jingkren jong u Vijayendra ka long kaba dang rit,” u la bynrap.
Hapdeng ki jingkynthoh ba yn bujli noh ïa u kum u Myntri Rangbah ka jylla, u Siddaramaiah u la ong ba un ïaid da ka rai jong ka kynhun ki nongïalam bahakhliehduh jong ka seng bad kam don kano kano ka kynrum kynram.
U la ong ba ka jingïakynduh hapdeng u Myntri ka tnat ki kam pohïing u G Parameshwara bad u Myntri ka tnad PWD u Satish Jarkiholi kam dei kaba beaiñ.
Ki myntri kiba pynlong ïa ki jingïalang bad ki jingbam miet kam don bynta ei ei bad ka saiñ pyrthei bad kam long pyrshah ïa ka seng ruh, u la bynrap.
