Tinsukia, Lber:
Ha ka jingtreikam kaba jop, ki bor pahara ki la ïoh kurup kumba 30 kilo ki tiar pynbthei na ka khlaw Digboi Reserve kaba don ha ka thaiñ Mihngi jong ka Tinsukia ha Assam.
Katkum ka jingong ki pulit, ïa kitei ki tiar pynbthei la tep lajan shisnem mynshwa da u Nabajit Asom, uba dang shu wan aiti noh ïalade jong ka kynhun ba la khang pyrshah jong ka ULFA-I. Ki pulit ki la ïathuh ba ïa kitei ki tiar pynbthei la buhrieh kumba 500 meter na ka wah Dibru.
Ha kane ka jingkhynra, la lap ïa ki tiar pynbthei ba la buhrieh ha 8 tylli ki pla plastik, ka tiffin, bad ka borti. Da kaba suba ba ki don kiwei pat ki jingbuh jingsat, ki bor pahara ki la sdang ban khynra ha katei ka jaka.
Ar ngut ki lehnoh ULFA-I kiba shlur ki la pyndem wait sha ki pulit ha Tinsukia distrik ha ka 29 tarik, Rymphang. Ki briew kiba la pyndem ïakade ki dei kiba la ithuh kum u SS Lt Nabojit Asom, uba na Bolaguri ha Kumthai, Golaghat, bad u SS Cpl Niku Asom, uba na ka shnong Meleng Lohkor uba don ha Teok. Ïa ka jingleit khynra la pynlong da ki pulit jong ka Assam, Military Intelligence, bad ki Assam Rifles.
