Srinagar, Lber:
Ki lehnoh, ki la kawang bom kawang kti, ha kawei ka jaka treikam jong ki pulit ha Jammu & Kashmir, Baramulla distrik, hynrei kam shym la don kano-kano ka jingjulor ki jingdon jingem lane ka jingduh jong ki mynsiem briew ha kane jingjia, la ïathuh ki pulit ha ka sngi Balang.
“La ïohsngew ïa ka jingbthei bom na ka liang ba shadien jong ka jaka sah jong ki pulit ha Old Town ha Baramulla ha ka por kumba 9:20 baje mynmiet ha ka Sngi Ba-ar, kaba la wanrah ïa ka jingsngewkhia ïa ki paidbah,” la ong uwei u heh pulit.
Mar mar ki pulit ki la ker kut ïa katei ka jaka da ka jingïatreilang bad kiwei pat ki kynhun pahara bad la pynlong ïa ka jingkhynra, la ong u heh pulit.
Ha ka jingkhynra, la lap ïa u pin jong ubom kawang kti, u la ong bad bynrap ba ym shym la don kano kano ka jingduhnong ne jingjulor ki jingdon jingem.
La sdang ïa ka jingtohkit kaba bniah bad ki jingthwet ki dang ïaid shakhmat, la bynrap biang u heh pulit.
