New Delhi, Lber:
Da ka jingkyrpad jong u Myntri ka tnat ki kam pohïing u Amit Shah ïa ki bor pahara ban buh ïa ka por ban pynlong ïa ka Jammu & Kashmir kaba lait na ki kam lehnoh, ka Union Territory kan sa sakhi shen ïa ki jingtreikam jong ki kynhun treikam ba thymmai jong ka Quick Action Teams (QATs) bad ki shipai ba la pyntbit kyrpang na ka CRPF, ka Assam Rifles, bad ka NSG na ka bynta ki jaka lum.
Katba ka aïom lyiur ka nang wan, ki bor pahara kin pynlong ïa ki kam kiba heh kiba jrong pyrshah ïa ki kynhun lehnoh ha Jammu & Kashmir.
Ka jingthmu jong ki, kumba la bthah da ka sorkar pdeng, ka long ban pynduh jait ïa ki kam lehnoh ha ka Union Territory, ki la ong, da kaba bynrap ba kane kan long ka rukom treikam kaba bniah halor baroh ban pynurlong ïa ka thong.
Ha ka jingïalang kaba dang shen halor ka jinglong jingman jong ka jingpahara ha J&K, u Myntri ka sorkar pdeng u la bthah ïa ki bor pahara ban ïaid shakhmat pyrshah ïa ki kynhun lehnoh ban pynlong ïa ka UT kaba lait na ki lehnoh kham kloi katba lah. Bun na ka sorkar ki ngeit ba ka jingpynphai biang ïa ka jinglong jylla sha ka J&K ka ïadei bad ka jinglong jingman kaba ïaid beit ïaid ryngtih.
Da kaba buh ha ka jingmut ïa ki jingbthah, ki bor pahara jong ka sorkar pdeng, ha ka jingïatreilang bad ki Pulit ka J&K, ki la thaw ïa ka jingthmu kaba kynthup ïa baroh, kaba ki la khot ka “rukom treikam kaba ïadei bad ka jingïalang,” ong uwei u heh ka kynhun pahara, da kaba bynrap ba ïa kajuh la ïasam bad ki heh ba hakhliehduh.
Kum shi bynta jong katei ka jingthmu, ka Central Reserve Police Force (CRPF) ka la rai ban buh phra tylli ki Valley Quick Action Team (QAT) kiba thymmai ha ka thaiñ Kashmir, da ka jingthmu ban pynlong ïa ki jingkhynra kiba jur ha ki jaka lum, kiba la kheiñ ba ki dei ki jaka rieh jong ki lehnoh, la ong ki heh pulit.
Uwei u heh jong ka tnad pahara u la ong, “U DG ka tnat CRPF u GP Singh u la bthah ïa ki kynhun jong ka kynhun shipai ban pynlong ïa ki jingïalehkai ban synshar ïa ki jaka ha ki jaka lum ha kaba ki lehnoh ki ju rieh tngen.
La bthah ïa ki QAT kiba bun ban pynlong ïa ki jingtreikam ha ki jaka bapher bapher, kiba neh katto katne sngi. Kine ki kynhun kin don ka jingkyrshan ba kyrshan bad ka jingkyrshan ba la pynshong nongrim ha ka teknoloji ban ïakhun pyrshah ïa kino kino ki jingshah thombor jong ki lehnoh. La shim ïa ki ophisar na ki kynhun bapher bapher.”
Ki la ong ba wat na ka bynta ki kam khlaw, la jied ïa ki ophisar bad ki shipai langrut kiba la shah hikai kyrpang ban buh ha ki jaka ba pynïasoh ïa ka Srinagar bad ka Jammu, da kaba bynrap ba ha kane ka bynta ba kyrpang, ki shipai Assam Rifles bad ki shipai National Security Commando ki shah pynrung.
Ha kajuh ka por, ki shipai ki la thaw ïa ka “kynhun ban ïatreilang” ha Jammu, la ong ki heh sorkar, da kaba bynrap ba ka NSG, kaba la tip bha na ka bynta ki kam ba khlem jingbakla, kan long shi bynta jong ka.
Ki ‘riew shemphang ha ka liang ka jingïada kiba la shakri ha J&K ki ngeit ba ban pynurlong ïa ka thong jong ka sorkar, ki bor ki donkam ban ïoh ïa ka “jingtip ba lah ban leh” bad ban leh katkum jong ka ban thaw suki suki ïa ki jaka ba ki lah ban synshar.
