Kohima, Lber:
Ka tnat Excise ha Nagaland, ka la pynlong ïa ka jingkhynra kaba kyndit ha Dimapur, kaba la pynlong ïa ka jingïoh kurup ïa ka kyiad Indian Made Foreign Liquor (IMFL) kaba bun bha bad ka jingshah kem bun sien namar ka jingpynkheiñ ïa ki aiñ ba la khang pyrshah.
Nalor kata, ka Excise Mobile Squad Unit na u Commissioner of Excise ka la pynlong ïa ka jingkhynra ha ki jaka bapher bapher jong ka sor Dimapur, ha kaba ki la ïoh ban kurup sa 553 tylli ki bilor kyiad IMFL.
U Superintendent of Excise and Prohibition ka Dimapur, u Limatsemu Changkiri, u ïathuh ba ka tnad Excise jong ka Dimapur distrik, ka la ïoh kurup haduh 869 tylli ki bilor kyiad IMFL bad kem ïa 14ngut ki briew, kiba la shah pynshitom katkum ka Nagaland Liquor Total Prohibition (NLTP) Act, 1999.
U Superintendent of Excise and Prohibition (Mobile Squad), u Tokuho Assumi u la pynpaw ba ka tnad kan bteng beit ïa ka jingkhynra ïa ki kam khaïi kyiad beaiñ. La kyntu ïa ki paidbah ban ïatreilang da kaba ai jingtip halor ka jingbuh beaiñ, jingshalan, bad jingdie ïa ki kyiad.
