New Delhi, Lber:
Ka President kynthei ba nyngkong eh jong ka Namibia, ka Netumbo Nandi-Ndaitwah, kaba phong da ka sopti rong jyrngam bad ka jingsop khlieh, ka don ki kti kiba la ia tyngkhuh lang ha ka por ba ka shah pynskhem ha Namibia.
Ka Netumbo Nandi-Ndaitwah ka dei ka president ba nyngkong jong ka Namibia.
Kumta la ong ba kane ka President ba thymmai jong ka Namibia, ka la bam smai ha ka Sngi Thohdieng ban long ka nongmihkhmat na bynta katei ka ri, kaba la sakhi ïa ka jingjur jong ka kyrduh kam bad ka jingduk.
Kane ka nongialam ka la rai ban ïakhun da ka jingkit kaba khia wat la ka long tang ka President kynthei ba ar kaba la shah jied ha Africa bad ka khlieh nongsynshar kynthei kaba nyngkong eh jong ka Namibia.
“Lada kiei-kiei ki ïaid beit kumta yn ïohi ïa ka kum ka nuksa kaba bha,” ong ka Netumbo Nandi-Ndaitwah ha ka jingiakren bad ki nongthoh khubor ha katei ka sngi. “Hynrei lada don kaei-kaei nangta kaba jia, kumba ka lah ban jia ha kano-kano ka jingsynshar hapoh ki shynrang, ki don ruh kiba kham sngewbha ban ong: ‘Peit ia ki kynthei!'”
Kane ka longkmie kaba la don 72 snem ka rta, ka la jop ha ka ilekshon kaba la dep long ha u bnai Nohprah da kaba ïoh 58% vote.
Ka Nandi-Ndaitwah ka dei ka nongïashim bynta ba slem bha jong ka South West Africa People’s Organisation (Swapo) – kaba la synshar naduh ba ka ri ka la ïoh ïa ka jinglaitluid ha u snem 1990 hadien ka jingïakhun kaba slem bha pyrshah ïa ka jingpynïapher jaitbynriew ha South Africa.
