Bhubaneswar, ïaïong:
Kawei ka skul Upper Primary ha ka shnong Bharatpur jong ka distrik Kendrapara ka la sah khlem nonghikai la palat shi taïew kaba la pynbor ïa ki khynnah ban pep skul. Katei ka skul ba la ai jingïarap kaba 36 snem ka rta kaba don ha ka jingjngai kaba 12 km na ka sor Kendrapada ka la treikam bad uwei u nonghikai marwei haduh ka 31 tarik, Lber.
Haduh mynta ym pat thung nonghikai thymmai kaba la ktah ïa ka pule puthi jong ki khynnah skul. Da kaba don kumba 60 ngut ki khynnah san snem mynshwa, ka bor jong ka skul ka la hiar bha ha kine ki snem ba la dep namar ka jingbym thung nonghikai.
Ki nongshong shnong ki la kynnoh ba watla ki nongshong shnong ki la kyrpad bunsien ïa u ophisar ka pule puthi jong ka distrik bad ïa ka bor pynïaid ban thung nonghikai ha katei ka skul hynrei ym shym la leh ei ei. U nongsumar jong kawei ka khynnah klas VII u Sauri Sethi (38) u la ong, “Ka long kaba sngew lyngngoh ban tip ba kane ka skul ka la ïaid khlem nonghikai la palat shi taïew, ka skul ka donkam ym duna ïa ka lai ngut ki nonghikai, ka skul ka la don arngut ki nonghikai naduh u snem 2021”, u la ong.
Ha u snem 2021 u Brajakishor Lenka uwei na ki nonghikai katei ka skul u la shongthait noh hadien kata u Bichitra Kumar Panda u la trei kum u nonghikai ba marwei haduh ba un da shongthait noh.
Haba ïakren bad u District Education Officer (DEO) u Basant Kumar Nayak u la ong, “Kane ka skul ka dei ka skul ba ïoh jingkyrshan bad kan sa shah pynïasoh bad ka Government High School shen. Kumba ka long mynta ngim pat don jingthmu ban thung nonghikai ha kane ka skul.”
