Imphal, ïaïong:
Ki hynriew tylli ki seng riewlum Kuki, kynthup ïa ka Kuki Students’ Organisation (KSO), ki la pynmih ïa ka jingkyrpad kaba kyntu ïa ki jaitbynriew Meitei ba kin burom ïa ki Buffer Zone ne ki jaka ba la ker ba la buh bad ban kiar na kaba ïaid lyngba sha ki jaka ba shong ki Kuki-Zo-Hmar.
Ka kyrwoh ba ïatreilang, kaba la pyllait paidbah ha ki khyndiat sngi jong ka taïew ba la lah, ka kren shaphang ki jingkynnoh ba lah ban long ki dkhot jong ka jaitbynriew Meitei ban ïaid lait ïa ka Buffer Zone ha u bnai Ïaïong na ka bynta ka jinglehniam Ching Kaba ha Thangting lane Thangjing Hills, kaba don ha Churachandpur distrik.
Ki seng Kuki ki la pynksan ba haduh ban da lah ban pynbeit ïa ka saiñ pyrthei na ka bynta ka jaitbynriew Kuki-Zo-Hmar katkum ka riti synshar ka ri India, yn pyrshah ïa kano kano ka jingpyrshang jong ka jaitbynriew Meitei ban leit sha ka jingsynshar Kuki-Zo-Hmar.
“Khnang ban lait na ka jingjur shuh shuh, baroh ar tylli ki jaitbynriew ki dei ban pynneh ïa ka jinglong jingman bad burom ïa ka jinglong pdeng jong ka Buffer Zone,” la pule ha ka kyrwoh. Ka la kyntu ruh ïa ka sorkar ban pyntreikam ïa ki lad ki lynti ban ïada ïa ka jingmyntoi jong baroh ar kynhun bad ban khanglad ïa kino kino ki jingpynkheiñ ïa ka Buffer Zone.
Ka Thangting lane ka Thangjing Hills, ka lum kaba pawnam ha ka distrik Churachandpur, ka dei ka bynta jong ki lum kiba pynlong ïa u pud u sam ba Sepngi jong ka them Valley. Katba ka jinglong jingman ha ka distrik Churachandpur ka la ïohi katto katne ka jingbha.
Ka bor pynïaid distrik ka la pynlait ïa ki pakhang shnong palat 16 kynta ha ka sngi Palei jong ka taïew ba la lah, kaba la ailad ïa ki nongshong shnong ban ïoh ïa ki jingshakri ba kongsan.
U Magistrate District ka Churachandpur, u Dharun Kumar S, u la pynpaw ha ka jingpynbna ba ïa ka pakhang shnong, kaba la pynjari katkum ka kyndon 163 jong ka Bharatiya Nagarik Suraksha Sanhita, 2023, la pynkylla khnang ban pynsuk ïa ka jingïoh ïa ki tiar kiba donkam, khamtam ha ki jaka sor.
Ïa kane ka pakhang shnong la pyntreikam nyngkong eh ha ka sngi Balang hadien ka jingïakynad halor ka jingdeng ïa ki lama paidbah ha ka jaka ba don ka jingïakynad hapdeng ka shnong V Munhoih bad Rengkai, kaba shong ki sah da ki jaitbynriew bapher bapher.
Ka jingjia jong ka lama ha ka sngi Ba-ar ka la wanrah ïa ka jingïakynad hapdeng ki dkhot jong ka jaitbynriew Zomi bad Hmar, kaba la pynlong ïa ki bor synshar ban shim ïa ki lad jingïada.
