Kabul, Iaiong:
Ka tnat National Centre for Seismology (NCS) ka la pyntip ba u jumai ba 5.9 Magnitude u la pynkhynñiuh ia ka thaiñ Hindu Kush jong ka ri Afghanistan ha ka step jong ka Sngi Balang.
Utei u jumai u la khynñiuh ha ka por kumba 4:43 ha katei ka step ha ka jingjylliew kumba 121 Kilometre eiei.
Tad haduh ba la ioh ban pyllait ia kane ka khubor, la ong ba ym shym la ioh jingtip eiei ban don kiba shah ktah na utei u jumai ha katei ka sngi.
Kumjuh, ka tnat United States Geological Survey (USGS) ka la pyntip ba u jumai uba 5.6 Magnitude u la pynkhynñiuh ia ka phang Shathie jong ka Philippines ha ka Sngi Balang bad ia ka jingdon kiba shah ktah ym shym pat ioh jingtip eiei tad haduh ba la pyllait ia kane ka khubor.
