Mumbai, Naitung:
U heh ka seng Shiv Sena (UBT) u Uddhav Thackeray ha ka Sngi Saitjaiñ u la ong ba ma u bad u heh jong ka seng MNS u Raj Thackeray ki la ïatyllilang ban long kawei namar ba ki shipara ki la ïasam ïa ka rynsan saiñ pyrthei ha ka sien kaba nyng-kong hadien arphew snem halor ka mat jong ka jinglong Marathi bad ka “jingpynbor” ïa ka ktien Hindi.
Ha ka jingïakynduh jong ki, kine ki nongïalam jong kine ki seng, ki la ong ba kin sa ïohlad ban jop ha ka Civic Poll da ka jingïatreilang jong ki, kane ka ilekshon ha Mumbai bad ha kiwei pat ki Municipal Corporation kin sa long ha kine ki bnai ban sa wan.
Haba kren ha ka jingïalang jong ka jingjop ka jingïaid paidbah ha Worli hangne ban rakhe ïa ka jingpynkylla ïa ki GR (jingrai) jong ka ktien Hindi da ka sorkar ba la ïalam da ka BJP, u Uddhav u la ai jingmut ban ïakhun lang ha ka ilekshon paidbah ka ban wan.
“Ngi la ïawanlang ban ïasah lang. Ngin ïashimlang ïa ka bor ha ka Mumbai Civic Body bad ha Maharashtra,” u la ong, da kaba pynmih ïa ka jingsawa kaba jam na ki paidbah ha ka NSCI Dome kaba la dap da ki paidbah.
Ka ilekshon sha ka kynhun paidbah ba pawnam ha Mumbai, kaba ka Sena ka kheiñ kum ka kut bad ka jaka sah jong ka, bad kiwei kiwei ki sengbhalang, kan long ha ki bnai ban wan.
