New Delhi, Nailur:
Ka National Investigation Agency (NIA) ha ka lah sngi U Blei ka la pynlong ïa ka jingkhynra ha ki 22 tylli ki jaka ha kylleng ki san tylli ki jylla bad ha Jammu & Kashmir, ong ki heh sorkar.
Ïa kane ka jingkhynra la pynlong ha kaba ïadei bad ka jingtohkit jong ka tnad halor ka mukotduma jong ka jingthmu ban leh ïa ki kam lehnoh, ki la ong.
Kane ka mukotduma ka long halor ka jingdon jong ki jingïasuhbuit sniew jong ki riewshim kabu ban leh ïa ki kam pyntriem ha kylleng ki jaka jong ka ri khamtam ha Jammu & Kashmir.
Ha Jammu & Kashmir, ka jingkhynra ka dang ïaid shakhmat haduh ba la thoh ïa ka khubor ha Baramulla, Kulgam, Anantnag bad Pulwama distrik, ong ka khubor kaba la wan na ki heh sorkar.
Haduh ba la thoh ïa ka khubor, ka kynhun NIA kam pat lah ban ai khubor ha kaba ïadei bad ka jingmih na kine ki jingpynlong ïa ki jingkhynra naba ka jingpyntreikam ka dang ïai bteng.
