Bhubaneswar, Risaw:
Hapoh ka jingtreikam jong ka ‘Aasa School Jiba’, ka bor synshar jong ka Sundargarh ka la ithuh haduh 11,802 ngut ki khynnah ha kylleng ka distrik kiba la pep skul lane ki bym pat ju leit skul.
Na kine ki khynnah, 3,144 ngut la pynrung kyrteng biang bad pynrung ha ka rukom hikai ba kongsan na ka bynta u snem pule 2025-26.
Ki tyllong khubor na ka ophis pule puthi jong ka distrik ki la pyntip ba hapoh katei ka jingïalap, la lap ba ki don 11,802 ngut ki khynnah ha ka rta kaba hynñiew haduh 18 snem kim leit skul.
Kine ki kynthup ïa 9,570 ngut ki khynnah kiba la pep skul bad 2,232 ngut ki khynnah ki bym shym la pynrung kyrteng satia.
Ka Lahunipada block ka dei kaba bun tam ki khynnah kiba la pep skul haduh 1,178 ngut bud sa ka Bisra kaba don 1,360 ngut kum kine ki khynnah.
Ka Bonai ka dei kaba duna tam ha kaba ki don 276 ngut kiba la pep skul. Kumjuh ruh la lap ba ka shnong Lahunipada ka don bun tam ki khynnah kiba lait na skul ka long 601 ngut.
Ka Tangarpali block ka don 36 ngut kum kine ki khynnah kiba la pep skul shiteng por.
Haduh mynta, la wanrah 3,144 ngut ki khynnah sha ka rukom hikai ba kongsan ryngkat bad ka jingpynrung biang ha ki skul katkum ka rta hadien ka jingpule pynbha.
Ki khynnah kiba la palat ka rta kiba la pep skul shiteng por la pynrung sha ka State Institution for Open Schooling (SIOS) ban pynlah ïa ki ban ïoh ïa ka jingpynskhem ha ka kyrdan Secondary bad Higher Secondary.
Kawei ka skul SIOS ka don ha kawei pa kawei na ki 17 tylli ki block jong ka Sundargarh, la ïathuh ki tyllong khubor.
Kaba kham pawnam ka long ba ka jingduh skul ka kham bun bha ha ka kyrdan skul heh ha kaba ki khynnah ST bad SC ki long kiba hakhmat eh ha ka kynhun namar ki daw bapher bapher.
La lap ba ha ka kyrdan skul heh, bunsien ki khynnah shynrang bad kynthei riewlum kiba don ka kyrdan pule kaba rit haduh kaba rit bad kiba duna ka jingsngewtynnat ban pule ki iehnoh ïa ka skul bad ki jied ban kamai.
Ha kiba bun ki khep, ka jinglong jingman jong ka longïing kaba tlot ka long kum ki jingkhanglad ïa ki khynnah ban bteng ïa ka jingpule kaba kham bniah.
Ka jingbun jong ki khynnah shynrang bad kynthei jong ki riewlum ki kiar na kaba shim Admission ha ki skul shimet katba ki dang ïakynduh bad sangeh noh ïa ka jingpule.
Ki tyllong khubor na ka tnad synshar ki la ïathuh ba ka jingpyrshang lang ryngkat bad ka jingïarap jong ki nongshim bynta ka dang ïaid shakhmat ban pynshlur ïa ki khynnah kiba dang sah ban leit phai biang sha ki skul.
Ka bor synshar ka plie ruh ban pynjlan ïa ka jingïarap pisa sha kito ki khynnah kiba la sangeh pule namar ka jingduna pisa.
U ophisar ka pule puthi jong ka distrik, ka Sundargarh u SD Bariha um shym la ïoh ban ai jingmut halor kane ka kam.
