Bengaluru, Nohprah:
Ha ka jingpdiang kaba shai hakhmat ka ïing dorbar, ka sorkar Siddaramaiah ha ka sngi Ba-ar ka la kam ïa kaei kaba ki nongshong shnong ki la dep sngew man la ka sngi, ïa ka Karnataka la synshar da ki nongtrei kiba rit paid.
Ki 2.8 lak tylli ki kam ba la shah mang ki sah thylli, kaba pynthut ïa ki jingshakri paidbah naduh ki kamra klas haduh ki hospital.
Ki jingdon jong ki kam balait kumba la paw ki long kiba shyrkhei. Ka tnad pule puthi rit ka don haduh 79,600 tylli ki kam ba lait, ka bynta kaba heh tam kaba tang kawei.
Ka tnad ka koit ka khiah bad ka pule puthi ka don haduh 37 hajar tylli ki kam kiba lait, katba ha ka tnad pule ba kham shalor, ki don 13,600 tylli ki kam nonghikai kiba dang thylli.
Ka jaka ri mrad ka don haduh 11,000 tylli ki kam ba lait, katba ki kam ki bym pat pyndap ha ki Backward Classes ka tnad ka bha ka miat ka long 8,500, ka tnad pla pisa 7,600, ka tnad Law and Human Rights 7,600, ka tnad Agriculture 6,800, ka tnat Forest da 6,400, ka DPAR 6000, ka tnat Cooperation da 4,700 and Women and Child Development da 3,300 tylli.
Kata ka long haduh lai lak tylli ki post ba la shu pynmih khlem nongrim ha ka jylla kaba ïeid ban sngew sarong ïa ka rukom synshar jong ka.
Ka liang pyrshah ka la kynnoh ba ka sorkar Congress kam shym shimkhia ïa ki khynnah ba la hikai da ki nonghikai ba shu wan shipor, ki nongpang ki la hap leit phai noh na ki hospital kiba duna nongtrei bad ki nongrep ki la sah khlem ki ophisar namar ka jingbym thung ïa ki, katba ka sorkar ka shu ai tang ki jingkular kai suda.
Ki Myntri ki ai ïa ki daw kiba ju ai – “ka jingpynrung kam ka dang ïaid shakhmat”, “ka jingpynslem jong ka KPSC”, “ka jingduna ha ka mang tyngka” – hynrei ka jingshisha ka long ba ka Karnataka ka la pynbna ïa ki “kam ba neh” la bun snem katba jar jar ka dang pynïaid ïa ka jylla da ka jingïateh kular bad ki nongtrei ba shabar.
Naba la sah sa tang ar snem ka ilekshon sha ka ïingdorbar thawaiñ ban wan, ka sorkar ka paw ba kan sa hap ban aiti ïa ka lyngkor sha ka liang pyrshah.
