New Delhi, ïaïong:
Ka kynhun Central Bureau of Investigation (CBI) ka la pynlong ïa ka jingkhynra ha ki 77 tylli ki jaka kiba don ha kylleng ki 8 tylli ki jylla bad ki Union Territory bad ka la buh jingmudui kumba 22 tylli ki mukotduma ha ka sngi Ba-ar hadien ka jingbthah jong ka Supreme Court ban tohkit ïa ka jingkynnoh ba don ka jingïadei hapdeng ki nongtei bad ki jaka ai pisa halor ki jingkynnoh ba ki don ki “plan ai jingïarap”.
Ki mukotduma ki dei kiba ïadei bad ka jingkynnoh ba don ka jingïatreilang hapdeng ki katto katne ki nongtei bad ki heh jong ki jaka ai pisa, kaba la pynlong ïa ki nongthied ïing ban thok bad shukor.
Mynta ka kynhun CBI ka la mudui haduh 50 tylli ki mukotduma halor katei ka kam. La mudui 28 tylli ki mukotduma ha u snem ba la dep pyrshah ïa ki kompeni die jaka bad ki jaka ai pisa bapher bapher.
U heh jong ka kynhun CBI u la ong ba la pynlong ïa ka jingtalasi kaba jur ha kylleng ki jaka kum shi bynta jong ka jingpynshitom beiñ ha baroh kawei ka ri. Ki jingtalasi ki la pynlong ban kurup ïa ki kot ki sla, ki tiar Digital, bad kiwei kiwei ki tiar, kiba dang shah eksamin mynta. Ka tnad ka la ong ba katei ka jingleh ka long ban lum ïa ki sakhi ban sei madan ïa ka jingthmu kaba kham heh kaba kynthup ïa ka jingpynkylla ïa ka pisa, ki jingbym ïahap ha ka liang ka pisa tyngka, bad ki kam thok ha ka kam die ïing.
Ha u bnai, Ïaïong 2025, ka Supreme Court ka la bthah ïa ka kynhun CBI ban tohkit hadien ba palat 170 tylli ki dorkhas la mudui da palat 1,200 ngut ki nongthied ïing. Ki nongmudui ki la kynnoh ba ki bank ki la ai ram kaba heh sha ki nongtei hapoh ki skhim ai jingïarap shwa ba kin sdang ïa ki projek. Haba ki nongpynroi ki la siew, ki Bank ki la sdang ban dawa EMI na ki nongthied ïing.
Hapoh ki skhim ai jingïarap, la ïasoi ïa ka jingïateh kaba lailiang hapdeng u nongthied, ka Bank, bad u nongpynroi. Ki nongthied ki siew shwa 5% haduh 20%, katba ki Bank ki pyllait ïa ka ram kaba sah sha u nongpynroi ha ki bynta. U nongpynroi u dei ban siew ïa ka sut jong ka ram ha ka por ba la buh, haduh ban da ai ïa ka jaka.
Ki jingtalasi ki la pynlong ban kurup ïa ki kot ki sla, ki tiar Digital, bad kiwei kiwei ki tiar, kiba dang shah eksamin mynta. Ka tnad ka la ong ba kane ka jingleh ka long ban lum ïa ki sakhi ban sei madan ïa ka jingthmu kaba kham heh kaba kynthup ïa ka jingpynkylla ïa ka pisa bad ki kam thok ha ka kam die ïing.
