Lucknow, Jylliew:
U nongïalam ka liang pyrshah ha Lok Sabha bad u MP jong ka Congress na Rae Bareli, u Rahul Gandhi, u lah ban mad ïa ka jingbishar bniah kaba thymmai ha ka liang ka aiñ hadien ba ka Kashari MP-MLA ba kyrpang ka la weng noh ïa ka hukum kaba kham mynshwa jong ka Kashari kaba kham hapoh bad shah ïa ka dorkhas ba la mudui da u nongïasaid aiñ jong ka thaiñ halor ka jingkynnoh jong u ïa ka jingkren pyrshah jong u ïa u Lord Ram ha ka por ba don ka jingïalang ha Brown University ha United States ha u snem 2025.
Katkum ka jingong jong u nongmudui, u nongïasaid aiñ u Harishankar Pandey, jong ka ïingbishar jong u Additional Sessions Judge/Special Judge (MP-MLA Court) u Yajuvendra Vikram Singh, ha ka sngi Balang, ka la weng noh ïa ka hukum pynkynriah kam jong u majistor bad bthah ïa u Chief Judicial Magistrate (MP-MLA) ka ïingbishar ban tuklar ha kaba ïadei bad kane ka bynta hadien ka jingwad bniah bad kaba la buh lang bad ki sakhi bad pyntreikam ïa ka hukum ban treikam katkum ka aiñ.
U Pandey u la ong ba ïa kane ka kam mynta yn sa bishar biang ha ka ïingbishar kaba kham hapoh, ha kaba ïa ka tarik bishar kaba hadien yn sa pynbna shen.
Katkum ka jingong jong u nongmudui, ha ka jingïakren ha Watson Institute na ka bynta ki kam pyrthei bad ki kam paidbah ha Brown University ha u snem 2025, la kynnoh ba u Rahul Gandhi u la kdew ïa u Lord Ram kum “u briew ba la shna da ki khanatang bad ba la shna da kaba mutdur”.
U Pandey, u la kam ba katei ka jingkren, ka la ktah ïa ka jingsngew niam jong ki million ngut ki Sanatani Hindu.
Ha u bnai Jymmang, jong u snem 2025, u la wad ban sdang ïa ka jingtohkit pyrshah ïa u nongïalam ka Congress katkum ki kyndon 196, 351, 353 bad 356.
U la kyrpad ïa ka kashari ban khot hajir ïa u Rahul Gandhi bad ban sdang ïa ka jingpynshitom katkum ka aiñ.
