New Delhi, ïaïong:
U Harivansh, ha ka sngi Thohdieng, u la shah jied khlem da don ba ïakhun pyrshah, kum u Deputy Chairman jong ka Rajya Sabha, ha kaba u la ïoh ïa ka samoi treikam kaba lai sien lynter ha kane ka shuki.
Kane ka kam ka la sah thylli hadien ba ka samoi treikam ba hashwa jong u ka la kut ha ka 9 tarik, Ïaïong, u Myntri ka sorkar pdeng bad u nongïalam ka ïingdorbar u J P Nadda u la rah ïa ka jingtyrwa ban jied ïa u, ïa kaba la pdiang khlem jingïakhun pyrshah.
U Myntri Rangbahduh ka ri, u Narendra Modi, u la ai khublei ïa u Harivansh, halor ka jingshah jied biang jong u, da kaba kubur ïa ka jingshemphang bad ka jingnoh synñiang jong u, ha ka jingtreikam ka Upper House.
U nongïalam ka Liang Pyrshah u Mallikarjun Kharge ruh u la ai khublei kumjuh.
Ka jingshah jied biang jong une u nongthoh khubor uba la kylla long u riewsaiñ pyrthei ka long kaba phylla namar ba ka dei ka sien kaba nyngkong ba la jied ïa u dkhot ba la jied na ka bynta ka kam Deputy Chairman jong ka Rajya Sabha.
