Ka don ka jingïapher ha kiba bun ki shnong ka ri Khasi, ïa ka rukom jied ïa u khlieh jong ka shnong.
U khlieh jong ka shong kat kata ka thew ïa u Sordar lane u Rangbah Shnong. Namar don ki shnong kiba jied da kaba shu ïa thep vote (Sacret Ballot) don ki shong kiba shu ïa rah kti ne ïa ñiew khlieh ban jied ïa u Rangbah shnong. Don ki shnong kiba jied tang ki shynrang kiba la dap 18 snem shaneng ïa u Rangbah shnong. Don ki shnong kiba jied bad kynthei bad shynrang. Don ki shnong kiba buh ïa ka samoi (term) trei kam 3 snem 4 snem bad 5 snem. Ka term ka jinglong Rangbah shnong.
Te kane baroh ka pynpaw ba ym don ka jingryntih ha ka rukom pynïaid shnong pynïaid thaw. Te balei ka District Council kaba dei peit ïa ka dustur ka riti ka jaitbynriew, hato kam lah mo ban wanrah da ka aiñ (Uniform) ba ïa ryntih lang salonsar ha baroh ki shnong ka ri Khasi ? Ka la dei ka por ban pynlong beit da kaba ïa thep vote ha baroh ki shnong ki thaw ka Bri u Hynñiewtrep na ka bynta ban lait na ka huri hura bad khamtam eh na ka bynta ka bha ka miat jong u paidbah nongshong shnong.
C. B. Iawphniaw
