New Delhi, ïaïong:
U nongïalam jong ka seng Congress u Rahul Gandhi, ha ka sngi U Blei, u la pynrem jur ïa ka jingshah pynïap jong u nongbud jong ka seng, u Debdeep Chatterjee, ba la kynnoh ba la leh da ki runar jong ka seng TMC, bad ong ba ka seng jong u, kan ym pyndem hakhmat kane ka saiñpyrthei, kaba pynsniew ïa ka riti dustur jong ka India, kaba bud ïa ka lynti jong ka jingbym leh donbor halor jong ka.
U Chatterjee u la shah pynïap ha ka rukom kaba ishyrkhei ha Asansol ha ka por ba don ki jingïakhih hadien ka jingthep vote.
Une uba la shah pynïap u don ka jingïadei kaba ïajan bha bad u kyrtong ka Asansol North Congress u Prasenjit Puitandi, la kam ka seng. “Ka jingshah pynïap jong une u nongbud jong ka seng Congress, ka la long ha ki riew runar ba don bynta bad ka TMC, hadien ka elekshon, ka long kaba dei ban pynrem jur. Ka jingsngewlem kaba khraw jong nga sha ka longïing kaba dap jingsngewsih” ong u Gandhi.
