Lucknow, ïaïong:
U Myntri Rangbahduh u Narendra Modi, u la plie ïa ka Ganga Expressway, kaba jrong 594 km, kaba dei ka projek pynroi kaba heh kaba pynïasoh ïa ka Meerut sha Prayagraj, ha ka jingïalang kaba la pynlong ha Hardoi.
U Myntri Rangbahduh u la plie ïa ka Access-control Expressway da kaba shu ktah ïa u budam ha ka ïadon lang u Anandiben Patel, u Myntri Rangbah ka jylla u Yogi Adityanath bad kiwei kiwei ki heh nongïalam.
Ha ka jingjrong ha ki 12 tylli ki district – ka Meerut, Hapur, Bulandshahr, Amroha, Sambhal, Badaun, Shahjahanpur, Hardoi, Unnao, Rae Bareli, Pratapgarh bad Prayagraj, ka surok kaba heh kaba don hynriew tylli ki surok, kaba lah ban pynheh sha ki 8 tylli ki surok, la shna khnang ban ïaid haduh 120 kmph. La khmih lynti ba kan pynduna shibun ïa ka por leit jingleit hapdeng ka thaiñ Sepngi bad Mihngi jong ka Uttar Pradesh katba kan pynbha ïa ka leit ka wan jong ki mar bad ki nongleit nongwan.
Ki heh sorkar ki la ong ba kane ka surok bah kan kyntiew ïa ka jingbei tyngka ha ki karkhana, ka jingpynpoi marbam, ka jingpynïaid ïew ïa ki mar rep bad ka roi ka par ha ka thaiñ. Ki kynhun shna tiar bad ki jaka pynpoi marbam ba la pynïasohlang, kynthup ïa ki ïing buh marbam, ki jaka buh marbam ba pjah bad ki jaka pynkhreh marbam, la pynroi ha shilynter ka khyrdop ban pynmih kam bad ban khring ïa ki nongbei tyngka.
