Bengaluru, Jymmang:
Kum shi bynta ban ai ka jingkyrshan ïa ki samla pule kiba la tbit hynrei kiba duna ha ka liang ka pisa tyngka, u MB Patil, President ka BLDE Association bad Myntri ka tnat Industries, Infrastructure Development bad District In-charge, u la ai jingïarap pisa sha ki arngut ki samla pule kiba la ïoh ïa ki seat MBBS hapoh ka bhah jong ka sorkar lyngba ka National Eligibility cum NEET Entrance Test (NEET).
Ha ka prokram ba la pynlong ha ka ophis sah jong u ha ka nongbah ha ka sngi Saitjaiñ, u Myntri u la aiti ïa ki Cheque sha u Udayakumar Narayanakar na Almel taluk bad u Manohar Harage na Ratnapur ban siew ïa ka bai skul, bai Hostel bad ka bai bam.
Haba kren ha kane ka sngi, u Patil u la ai jingmut ïa ki samla pule ba kin trei shitom bad ban bteng ïa ka jingpule jong ki da ka jingaiti lut.
U la ong ba la pynjlan ïa ka jingkyrshan pisa sha ki samla pule kiba dei hok bad kyntu ïa ki kmie ki kpa bad ki nongïoh jingmyntoi ban pyndonkam hok ïa kum kine ki lad ban wanrah ïa ka jingithuh ïa ka Vijayapura distrik.
Ha kane ka sngi la don lang u BLDE Deemed University Registrar u Dr R V Kulkarni, u Accounts Superintendent u S S Patil, bad ki kmie ki kpa jong ki samla pule.
