Patna, Jymmang:
Ka kynhun Myntri jong ka Bihar ha ki khyndiat sngi jong ka taïew ba la lah, ka la mynjur ïa ka jinghikai kaba bha ha ka liang ka Artificial Intelligence (AI) na ka bynta ki dkhot jong baroh ar tylli ki ïingdorbar thawaiñ ka jylla bad ka ïingdorbar thawaiñ ka jylla, da ka jingthmu ban pynlong ïa ka Bihar kum ka jylla kaba pawkhmat ha ka AI.
Yn ai jinghikai ruh ïa ki heh sorkar jylla bad kiwei kiwei ki nongtrei halor ka AI. Baroh 20 tylli ki jingtyrwa la mynjur ha ka jingïalang ka kynhun Myntri ba la pynïaid da u Myntri Rangbah ka jylla u Samrat Choudhary.
Kane ka rai ka ïoh ïa ka jingkordor hadien ka jingïashim bynta jong ka jylla ha ka All India AI Summit bad Expo 2026 kaba la long ha Delhi ha u bnai Rymphang mynta u snem.
Ka sorkar ka la ïasoi ïa ka MoU kaba shongdor T.468 klur ha ka jingïalang bah kaba la dep ban pynlong.
Haba pyntip sha ki lad pathai khubor, u Additional Secretary, State Cabinet Department, u Arvind Kumar Choudhary u la ong, “Ka sorkar jylla ka la rai ban ai jinghikai ha ka liang ka Artificial Intelligence (AI) sha ki dkhot jong baroh ar tylli ki Ïingdorbar Thaw Aiñ ka Jylla bad ka Council. Ka C-DAC Patna, IIT Patna, ka NIELIT Patna, bad ka CIMP.”
U la bynrap ba ka Bihar Artificial Intelligence Mission ka la ïeng halor ka jingthmu jong ka jingtreikam ka jyla kum kawei na ki jylla ba lamkhmat ha ka AI.
Yn pynwandur ïa ki rukom treikam kiba pyndonkam da ka AI ban ïoh ïa ki jingmih kiba treikam ha ki rukom synshar, ka jingpynïaid ïa ka pisa tyngka, ka jingpyndonkam ïa ki briew, ka jingpynroi ïa ki jingtei, ka rep ka riang, ka jingbha jingmiat ha ka imlang sahlang, ka art bad ka kolshor, bad ka jingpynroi ïa ka kam jngohkai pyrthei.
Kane kan ïarap ruh ban pynlong ïa ki rukom treikam bad ki jingshakri jong ka sorkar kiba kham shai, kiba don jingkitkhlieh, bad kiba pynshong nongrim ha ki jingtip.
Ka jingai jinghikai kan long shi bynta ban pyntbit ïa ki nongsynshar bad ki heh sorkar ba kin lah ban pynïaid ïa ki jingtreikam jong ki ha ka rukom kaba kyrpang bad kaba ai jingmyntoi halor ki rukom treikam jong ki ha ka synshar khadar bad kiwei pat ki jingdonkam.
Ka kynhun Myntri ka la mynjur ruh ïa ka jingtyrwa na ka tnad Transport ban thied 400 tylli ki bos Electric Air Condition hapoh ka PM E-Bus Sewa Yojana. Na kine, 150 tylli ki bos yn ai sha Patna, katba 50 tylli ki bos yn ai sha Muzaffarpur, Bhagalpur, Gaya, Darbhanga, bad Purnea.
Ïa kane ka skhim yn pyntreikam ha ki 12 snem ban wan naduh u snem mang tyngka 2026-27. Ka sorkar ka la mynjur ïa ka pisa ba la pynkylla thymmai kaba long T.517.16 klur kum ka Cash Gap Subsidy ban kyrshan ïa ka jingpynïaid ïa ki 400 tylli ki E-bus ha kane ka por.
Ha kawei pat ka rai, ka kynhun Myntri ka la mynjur ban aiti ïa ka jaka kaba heh 1.85 akar (kynthup ïa ka bynta) sha ka Airports Authority of India (AAI), Patna, khlem da siew ei ei. Ka jaka, kaba don ha ka jaka karkhana jong ka Patna (sor), ka ïajan bad ka jaka sah jong ka kad liengsuiñ bad lah ban pyndonkam ïa ka na ka bynta ban pynroi ïa ki jingtei jong ka kad liengsuiñ bad ki jingthmu kiba ïadei bad kane.
Ka kynhun Myntri ka la pynjlan ruh ïa ka jingpyntreikam ïa ka Bihar Industrial Investment Promotion Package (BIIPP) 2025 haduh ka 30 tarik, Jylliew, 2026, hadien ka jingsngewtynnad jong ki nongbei tyngka. Kane ka song pisa ka la treikam kham mynshuwa haduh ka 31 tarik u, Lber, 2026.
La khmih lynti ba kane ka sienjam kan pynthikna ïa ka jingbteng ha ka jingbei tyngka ha ki karkhana ha ka jylla.
Nalor kata, ka kynhun Myntri ka la mynjur ïa ka Bihar Building (Amendment) Bylaws, 2026, kaba thmu ban pynduna ïa ka jingduh noh ïa ki jaka khaïi bad pynduna ïa ka jingeh ha ki nongbah kaba mih na ka jingkylla sted ha ki jaka sor.
Ka jingmynjur ka long ban kyntiew ïa ka kam khaïi ha ka jylla bad ban pynsuk bad pynsted ïa ka rukom ai jingbit ban tei ïa ki ïing lyngba ki kor ki bor kiba mynta, ka jingpynwandur thymmai, bad ka rukom synshar kaba shimkhia bad kaba don ka jingkitkhlieh, da ka jingthmu ban pynsuk ïa ka jingim jong ki nongshong.
