Bhubaneswar, Jymmang:
Kum shi bynta ban pynpaw ïa ka jingsngewkhia kaba jur halor ka jingkiew kaba shyrkhei jong ki kam runar ha kylleng ka jylla, u President ka Odisha Pradesh Congress Committee (OPCC) u Bhakta Charan Das u la kyntu ïa u Myntri Rangbah ka Jylla u Mohan Charan Majhi ban shim ïa ki sienjam ba kyrkieh na ka bynta ban pyntreikam ïa ka synshar aiñ.
Ha ka jingïakren bad ki nongthoh khubor hangne, u Das u la kynnoh ba ka suk ka saiñ ka la hiar syndon ha Odisha. Ki la don lai tylli ki jingjia kiba shyrkhei, kynthup ïa ka jingpynïap briew hapoh ka shi taïew, u la ong.
“Wat la ka jingjia kaba shyrkhei kum kiba la jia ha ki por ba kham mynshwa na ka jingsngew pher jait bynriew bad kiwei pat, ha ka jaka ban pyntreikam da kaba tyngeh pyrshah ïa ki, ki nongïalam jong ka seng kaba bat ïa ka jingsynshar ki la ai ka jingsaitkhuid na ka bynta jong ki sha ki pulit. Ka seng Congress kan sa pynlong ïa ka jingïakhih ha ka jaka treikam jong u Commissionerate Police kum shi bynta ban pyrshah jur halor ka jingpynïap briew kaba la jia ha ka lah sngi U Blei,” la ong u Das.
U President ka OPCC u la ong ba u Myntri Rangbah jong ki riewlum kum u Majhi u don ka lad ban ïoh ïa ka burom da kaba pynjari pyrkhing ïa ka synshar aiñ. Hynrei, u kham thmu ban pyndonkam ïa ki pulit ha ki bynta jong ka seng, u la pynshisha.
