Vijayawada, Jymmang:
Ka tnad Prohibition and Excise jong ka AP ka la bteng ïa ka jingpynsngewthuh paidbah na ka por sha ka por sha ki nongpyndonkam ba kumno kin jied ïa ki jingdih kum ka kyiad ban lait ktah ïa ka koit ka khiah jong ki, ha kaba la kyntu ïa ki briew ba ki dei ban nang ban pyndonkam ïa ka kyiad bad ban ym kyrni ha ka ban dih ïa ka.
Kane ka kynhun haba la sakhi, ïa ka jingdon jong kiba bun ngut ki briew na ka por sha ka por ba ki duh ei ïala ka jingim na ka jingdih ïa ka kyiad ba longbih, ka la kyntu ïa ki riewpaidbah ba ki dei ban husiar ba kin thied ïa ki jait kyiad na ki jaka die ba tikna.
Kane ka jingïai kyntu jong kane ka tnat, ka long naba la sakhi, ïa ki jingjia jong ka jingïap ei ki briew hadien ba ki la dih ïa ka kyiad ba la shna bad shalan beaiñ hapoh ka jylla ha kaba ka ju ktah ïa kiba bun ki longïing.
Shuh shuh ki la ong ba ka jingdih ïa ki kyiad kiba bha kan ïarap bad ïada na ki jingshah ktah bad ïada ïa ka jingim, bad la maham ba ym dei ban thied ïa ki jait kyiad na ki bym don Licence, ha kaba kane kan lah ban buh jingma ïoh ba ki don ïa shibun ki jingkhleh kiba lah ban long ka bih ïa ka met bad wat haduh u pud ban wanrah ïa ka jingïap.
Hashwa kane, kane ka kynhun kum shi bynta ban phah khubor bad pynsngewthuh ïa ki paidbah ka la buh da ki jingïalang pynsngewthuh paidbah kaba la tip kum ka ‘Know What You Drink’ kaba mut ‘tip ïa kaei kaba phi dih’ ban ïarap ïa ki nongthied ban pynshisha ïa ka jingshisha jong ka kyiad ba la thied na ki jaka die kyiad ba la ai license, ha kaba kane ka la ai jingmyntoi ïa ki briew bad pynkyndit bynriew bad long ka lad ïa kiba pyndonkam ban thied ïa ka kyiad na ki jaka ba la ithuh bad shah ithuh. Kane ka prokram ka la neh bad treikam ha kiba bun ki bynta jong ka jylla khnang ban lah ban poi sha ka thong ban lah ban tehlakam ïa ka kyiad.
Ïa kane ka jingïalap paidbah kaba hashwa la plie da u Director ka tnad Prohibition and Excise u Chamakuri Sridhar.
U Sridhar u la plie bad pyndait ïa ki poster pynsngewthuh ha kawei ka dukan die kyiad kaba don ha Veterinary Colony, Vijayawada (NTR District).
Ki poster ki ïalam ïa ki nongthied ban pynthikna la ka bilor kyiad ka dei kaba shisha ne em da kaba pyndonkam ïa ka Mobile app jong ka AP Excise Suraksha.
Lyngba katei ka app, ki nongthied ki lah ban Scan ïa u QR code uba don ha ka jingtap jong ka bilor ban pynshisha ïa ka jingshisha.
Ka app ka pyni la ka bilor ka dei ka ‘Product ba shisha’ bad ka ai shuh shuh ïa ki jingtip ba bniah.
U la pynshai ba kane ka app ka kyrshan tang ïa ka Indian Made Foreign Liquor (IMFL) bad kam treikam satia ïa ki jait beer.
Hadien kane, u Sridhar ryngkat ka jingsynran lang u Deputy Commissioner jong ka Prohibition and Excise ka Vijayawada u la leit jngoh ïa ka Depot jong ka AP State Beverages Corporation Limited (APSBCL) kaba don ha Nidamanur ban bishar bniah ïa ka rukom pynïaid bad ka jingtreikam jong ki mar ki mata.
U Sridhar u la ïakren bad ki nongsam mar, u la pynbeit ïa ki jingeh jong ki, bad u la pynmih ïa ki jingbthah ha ka jaka ba la buh ban pynbeit ïa ki jingeh kiba mih na ka jingkyrni dih kyiad.
