Chennai, Jymmang:
Ka elekshon ka ban sa pynlong na ka bynta ban pyndap ïa kawei ka shuki Rajya Sabbha na Tamil Nadu kan long ha ka 18 tarik, Jylliew hadien ka jingiehnoh kam u CVe Shanmugam, uba la shah jied sha ka ïing dorbar thawaiñ na Mailam konstitwensi.
Ka jingthep kyrteng kan sdang ha ka 1 tarik u Jylliew bad kan kut ha ka 8 tarik u Jylliew, katba ka jingbishar bniah kan long ha ka 9 tarik u Jylliew, ki kyrtong ki lah ban weng noh ïa ki kyrteng jong ki haduh ka 11 tarik u, Jylliew, yn pynlong ïa ka elekshon ha ka 18 tarik u Jylliew palat ïa kawei ka kyrteng kaba biang na ka bynta ka kam kaba lait marwei.
Da ka jingkhlaiñ jong ka ïingdorbar kaba mynta kaba long 233 ngut, uwei u kyrtong u donkam ïa ka jingkyrshan jong ki 117 ngut ki MLA ban pynthikna ïa ka jingjop. Namar ba ym don kawei ruh ka seng kaba ïoh ïa ka jingbun paid halade, la khmih lynti ba ka TVK kaba synshar, kaba la kyrshan da ki seng ba ïatreilang jong ka, kan jop ïa katei ka shuki.
Namar ba kane kan dei ka shuki Rajya Sabha kaba nyngkong eh ban ïakhun da ka TVK, ka dang sah ban peit la ka seng kan bat ïa katei ka shuki na ka bynta jong ka ne kan ai ïa ka sha ki seng ba ïatreilang khamtam eh ïa ka Congress.
