Vijayawada, Jymmang:
U Chief Electoral Officer (CEO) ka AP u Vivek Yadav u la ïakynduh ïa ki nongmihkhmat jong ki seng saiñpyrthei bapher bapher ha Secretariat ha ka sngi Ba-ar bad u la batai halor ka rukom treikam ka SIR, ki kyrdan bapher bapher jong ka SIR.
U CEO u la kyntu ïa baroh ki seng saiñ pyrthei ban wan shakhmat bad thung shuh shuh ïa ki BLA ban ïarap ïa ki nongthep vote ha kaba pynrung kyrteng bad ban pynlong ïa ka rukom treikam kaba shai pura bad kaba don bynta lang.
Ki Enumeration Form (EFs) ki dang shah shon bad sam sha ki nongjied kiba kumba 4.16 klur ngut. Ki Ophisar pynrung kyrteng elekshon (ERO) ki pynbiang ïa ki phorm ba la pyndap lypa shi bynta, katkum ki jingthoh ba la don lypa haduh ka 25 tarik u Jymmang, 2026, lyngba ki 46,397 ngut ki Booth Level Officers (BLOs). Kine ki BLO ki pynpoi ïa ki EFs sha man ki thliew ïing sha baroh ki nongjied kiba don kyrteng ha ka Electoral Roll kumba long ha ka 25 tarik, Jymmang, 2026.
Nalorkata, ïa ki phom lah ban shim na ka ECI portal (https://voters.eci.gov.in), bad ki BLA ba la thung da ki sengbhalang ki lah ruh ban ai haduh 50 tylli ki phom ba la pynskhem ha ka shisngi. Baroh ki nongjied kiba ki kyrteng jong ki ki don ha ka Electoral Roll la bthah tang ban ai ïa ka Enumeration Form ryngkat bad ka jingpynmih na ka thup, khlem da donkam ban ai ia kiwei pat ki kot ki sla (2002 electoral database lah ban ïoh ha https://voters.eci.gov.in).
Katba dang lum ïa ki phorm, ki BLOs kin pynmih ïa ka kot. Ïa kine ki phorm ba la pynshisha yn aiti sha ki ERO lane ki Assistant ERO (AERO) bapher bapher. La thaw ïa ka lad ban pynbiang online ïa ki Enumeration Forms ban pynsuk shuh shuh ïa ka rukom treikam na ka bynta ki nongthep vote bad yn sa lah ban ïoh shen.
Ïa ka Draft Electoral Roll yn pynmih ha ka 21 tarik, Naitung, 2026. Ki EROs bad ki AEROs kin bishar bniah ïa ki phorm pyrshah ïa ki kyndon ba ïadei bad ka jingbit jingbiang.
