New Delhi, Jylliew:
Katba ki kynhun pynlait im ki dang bteng ban pynkhuid ïa ki jaboh jabaiñ ha ka thaiñ Saidulajab hadien 40 kynta jong ka jingtwa, ka thaiñ ka dang don hapoh ka jingtieng, jingbym thikna, jingsngewkhia halor ka jingshngaiñ, bad jingkhuslai. Kiba bun ki nongshong shnong ha kane ka thaiñ ki sah ha ka jingdum buit naba kim tip ïa ka daw jong ka jingkhyllem kynsan kawei ka ïing.
Ha kine ki khyndiat snem ba la leit noh, ka Saidulajab ka la paw kum ka jaka ba kongsan na ka bynta ki nongwan pule kiba pynkhreh na ka bynta ki eksamin kum ka UPSC, SSC, NEET, FMGE, bad kiwei kiwei ki eksamin kiba ïakhun. Ka jingjan jong ka sha ka Saket Metro Station bad ka jingdon ki ïing jong ki bahaïing kiba lah ban pynsuk bad pynjem ïa ki bai wai ka la khring ïaki hajar ngut ki samla pule na kylleng ka ri. Ka jaka ka la im beit bad ka jingtreikam.
Hynrei kumba ka long mynta ka sngi ka suiñbneng ka la pher bak-ly-bak. Ka jaka sawdong jong ka jaka ba la twa ka la kylla long ka jaka pynlait im kaba heh bha. Ki jingkhang jong ki pulit ki khanglad ïa ka jingïaid lynti katba ki kynhun na ka National Disaster Response Force (NDRF), ki tnad pynlip ding jong ka Delhi bad kiwei kiwei ki tnad ba pyntreikam kyrkieh ki dang bteng ïa ka jingtrei.
Na ka bynta kiba bun ki samla pule ha katei ka thaiñ, ka jingtwa ka la ktah shibun khamtam ïa ka jingim jong kiba shong basah ha ka thaiñ.
Da ka jingkhang ïa ki jaka ai jinghikai bad ki jingeh ha ka jingshngaiñ ki nang kiew, mynta ki ïakynduh ïa ka jingbym thikna ha ka por kaba kongsan ha ka jingïaid lynti jong ki ha ka jingpule. Bun ki samla pule ki la kham shem jingeh ban ïoh ïa ki kamra sah jong ki.
U Mohit, uba kwah ban rung UPSC na Bihar, u la ong, “Kane ka dei ka sien kaba nyngkong naduh ba nga la wan sah hangne ba nga sngew ïa kane ka jingsngewtieng. Kham mynshwa, ka jingsngewkhia jong nga ka dei tang ka eksamin. Mynta, ka jingshngaiñ jong ki ïing kiba don sawdong jong ngi ruh ka la kylla long ka jingkhuslai kaba khraw.”
Kumjuh ruh na ka jingsaphriang jong ka khubor halor ka jingjia kaba dang shen, ki don ki samla pule kiba la sdang ban wad jaka sah shawei pat kum ka lad jingïada. U Amrish Kumar, uwei pat u samla pule, u la pynpaw ba u la leit sah sha katei ka jaka namar ba ka kham suk shibun haba ïanujor bad kiba bun kiwei pat ki jaka bad u sngew ba ka long kaba biang bha na ka bynta ki jingpule.
“Ka la don ka jingsngew ba don ka jingpynbeit bad jingsuk ha ki sawdong sawkun kaba la ïarap ïa nga ban pynleit jingmut ha ka jingpynkhreh jong nga. Hynrei hadien kaei kaba la jia ha ka sngi Saitjaiñ, kata ka jingsngew shngaiñ ka la jah noh sh syndon. Mynta, man la ka jingtei ka sngew ba kam thikna, bad wat ka jingsngap jar ruh ka sngew ba kam sngew shngaiñ,” u la ong.
Uwei u nongdie dukan ha katei ka jaka, u Suhail, u la ong ba um pat ju sakhi ïa kum kane ka jinglong jingman ha ki snem kiba la leit noh. “Mynta, ka sngew kumba ka thaiñ baroh kawei ka la shah pynkhih da ka jingtieng”, u la ong.
Kawei na ki mat ba la kren bha ha katei ka thaiñ ka dei ka durkhih kaba pyni ïa ka jingtwa jong katei ka ïing. Ka dur na ka kor CCTV ka pyni ïa u nongñiah kali uba la ñiah ïa ka kali jong u katto katne por shwa katei ka jingjia.
U Akash Singh, uba la kynriah sha katei ka jaka na ka bynta ban pynkhreh ïa ka eksamin, u la ong ba ka jinglong jong ka Saidulajab kam dei kaba la batai da ki jingtei jong ka hynrei da ki jingphohsniew kiba pynïasoh lang ïa ki samla.
“Ka jingjia kam dei tang shaphang ka jingtwa jong ka ïing. Bun na ngi mynta ngi sngew ba ka jingleit klas ha kane ka jaka ka lah ban long kaba ma. Hadien ka jingtwa, uwei pa uwei u samla pule u sngewkhia ïka jingshngaiñ jong ki bad u la sdang ban buh jingkylli ïa ka jinglong ryntih jong ki ïing kiba don sawdong jong ngi,” bynrap biang u Singh.
