Hadien ka jingïehnoh kam bad resaiñ u Rangbah Shnong ka Mawlai Syllaikariah kata i Bah C. Shullai na ka jinglong Rangbah Shnong khlem pat kut ka samoi (Term). Ha ka jingshisha la dei ban khot pynlong da ka Dorbar shnong ban jied thymmai ïa u Rangbah shnong kum ka rukom pynïaid shnong pynïaid thaw. Imat namar ym pat kut ka term. Namar ka term kan kut ha ka 6.7.2026.
Kumta ka Executive Committee ba ïalam u Assistant Rangbah Shnong ka la shim kabu da kaba leit khroh na u Syiem ka Hima ban ai jingithuh ïa i kum u Rangbah shnong ba shipor ne uba la tip kum u Acting Rangbah Shnong.
Kumta katkum ka jingkren bad jingïathuh hi u Assistant Rangbah shnong ha ka Dorbar ai jingkheiñ jingdiah bad ai Report trei ka shnong, kaba la long ha ka 17.01.2026 ka pyni shai ba u Assistant Rangbah shnong ula ioh sanad na u Syiem kum u Acting Rangbah Shnong, ka Mawlai Syllai Kariah.
To kam pher ka jingioh Acting Rangbah Shnong namar ka don ka lynti na ka liang u Syiem ban ai ne ithuh shipor kum u Rangbah shong. Hynrei kum ki nongshong shnong kiba dei hok ban jied ïa u Rangbah Shnong, ngi kwah ban ioh ïashim bynta ha ka jingjied Rangbah shnong ba pura, namar ngim hun ïa u Acting Rangbah shnong khlem da jied ne ïaid lyngba ka Dorbar Shnong.
C. B. Iawphniaw
