New Delhi, Jylliew:
Ki la don kumba, 1,076 ngut ki nong India kiba la shah pynkynriah na US ha une u snem haduh mynta, la ong ka Ministry of External Affairs (MEA) ha ka sngi Thohdieng, da kaba kdew ba ki arliang mamla ki kut jingmut ban leh pyrshah ïa ka jingwan buhai shnong beaiñ.
U nongaiktien ka MEA u Randhir Jaiswal u la ong ba baroh ki nong India kiba la shah pynphai ha u snem 2025 ki long 3,567 ngut.
“Baroh ki nong India kiba la shah pynphai na US sha India haduh mynta u snem ki long 1,076 ngut. Hapoh u snem 2025, ki la don baroh 3,567 ngut kiba la shah pynphai na US,” la ong u nongaiktien.
Ka sorkar u Trump, ka la thmu ïa ki nongwan buhai shnong be-aiñ ha US, kum shi bynta jong ka jingpynshitom kaba tyngeh.
“Ka jingïakren ha kaba ïadei bad ka jingwan buhai shnong bad ka jingleit jingwan ka dang ïaid hapdeng ki arliang mamla. Ka jingpyrkhat ka long kumno ban teh lakam bad khanglad ïa ka jingbuhai shnong beaiñ, katba ha kajuh ka por ban pynthikna ba kan ym ktah jur ïa ka jingbuhai shnong beaiñ,” u la ong.
Baroh arliang mamla ki don ka jingïadei kaba jan bha halor ki mat jong ka jingshah beh shnong, ka jingwan buhai shnong bad ka jingleit jingwan, la ong u Jaiswal.
