Jaipur, Jylliew:
Ka seng Congress kumba la thmu kan sdang ïa ka jingïakhih ha baroh kawei ka ri ha ka 17 tarik u Jymmang na Kota,ban ïakren sani bha halor ki mat ba ïadei bad ki jinglait tuh ki jingkylli, ki jingbym ïaid hok ki rukom thoh eksam, ka jingbym ïohkam ïohjam bad kiwei kiwei pat ki mat ba kongsan kiba ktah ïa ki samla.
U Nongïalam ka Liang Pyrshah ha lok Sabha, u Rahul Gandhi, un ïakren beit bad ki samla pule bad kiba thmu ban pynkhreh na ka bynta ki eksamin ba ïakhun halor ka jinglait tuh ki jingkylli kiba ïadei bad ki samla.
Ka jingpyrshang la shim ba kam dei tang ka jingleh jingkam ha ka saiñ pyrthei hynrei kum ka jingpynmih ïa ka jingïathuhkhana kaba thymmai kaba pynshong nongrim ha ki samla na ka bynta ka Congress ban pynkhih ïa ki samla pule ha kylleng ka ri.
Ka jingjied ïa ka Kota ha Rajasthan ka long kaba kongsan namar ym tang ba ka khring ïa ki hajar ngut ki samla pule na kylleng ka ri hynrei ka long ruh namar ba la mihkhmat ïa ka ha Lok Sabha da u Lamphang u Om Birla.
Ka Congress ka kwah eh ban pynkhih ïa ka BJP ha kaei kaba la ïohi ba ka dei ka kut kaba khraw ïa ka seng BJP bad ka RSS.
