Shuwa ban kut ka samoi (Term) ka jinglong Rangbah shnong I Bah C. Shullai ila ïehnoh bad resaiñ na ka kam Rangbah shnong. Namar ka samoi trei kam (Term) jinglong Rangbah shnong i Bah C. Shullai kan kut noh ha ka 6.7.2026. Te naduh ka sngi ba la resaiñ I bah C. Shullai la shimti da i bah Arabren Kharkongor, uba long u Assistant Rangbah Shnong kum u Acting Rangbah shnong kumba ila ïathuh ba ila ioh Sanad na u Syiem ka Hima Mylliem ha ka Dorbar Ai Report jingkheiñ jingdiah jong ka shong ha ka 17.1.2026. Ha ka jingshisha la dei ban khot pynlong da ka Dorbar shong ban jied thymmai ïa u Rangbah shnong. Hynrei kam shym long kumta u Assistant Rangbah shnong da ka buit sian jong u ila leit khroh ïa u Syiem ban ai ha I ban shimti ïa ka kam Rangbah shnong khlem donkam pynlong Dorbar shnong. Bad na ka liang u Syiem ruh ila mynjur ban thung ne ai Sanad ïa u kum u Rangbah shong ka Mawlai Syllai Kariah khlem da ai lad ïa ka hok ki nongshong shnong ban jied lyngba ka Dorbar shnong. Te kane ka jingleh u Syiem ka long pyrshah ïa ka rukom Pynïaid shnong pynïaid thaw ne phi ong kumno ha ka jingshisha ïa u Rangbah Shong dei ban jied ha ka Dorbar shnong da ki nongshong shnong katkum ka rukom bad jingleh bad jingshañiah jong ki paidbah. Ha ka jingshisha dei ban ai Sanad tang ïa u kyrtong ba la jied da ka Dorbar shnong ym dei ban ai sanad ïa kiba ïaid da ka lynti ban kiar pynlong Dorbar ïa ka kam Rangbah shnong. Namar ka ri jongngi ka dei ka ri synshar paidbah ym dei kaba synshar donbor. Kane ka long ka hok ba ki paidbah nong shong shnong ki dei ban pynpaw ym ban shu buhrieh ïa ka kam thok kam shukor kum ki briew kiba tip briew tip Blei. Kane ka long ka jingshisha bad ym dei ban kynthoh pynrem khlem ka jingshisha.
C. B. Iawphniaw
