Chennai, Naitung:
Ka Crime Branch jong ka Thoothukudi distrik ka la kem ïa u MLA jong ka Vilathikulam u GV Markandeyan jong ka seng DMK hadien ka jingujor ejahar halor ka jingbyrngem ïa u Myntri Rangbah ka jylla u Joseph Vijay ha ka jingïalang sngewnguh kaba la long ha ka sngi Saitjaiñ ha Kovilpatti ha ka por janmiet.
La kynnoh ba u Markandeyan u la ong ba yn sa bret ïa ki shyieng jong u Myntri Rangbah ha ka ïingdorbar thaw aiñ, bad u la kren ïa ki jingkren kiba pynkulmar.
U joint secretary ka Thamilag Vetri Kazhagam (TVK) North East distrik u P Kasiraman u la ujor pyrshah ïa u sha u SP ka Thoothukudi u Abishek a Gupta.
Haba leh halor katei ka jingujor, ka District Crime Branch ka la mudui ejahar pyrshah ïa u Markandeyan katkum ka kyndon 351 (3), 352,353(2) jong ka BNS.
Ha ka step jong ka lah sngi U Blei, ka kynhun pulit ka la leit sha ïing sah jong u ban kem ïa u. Ki dkhot ka DMK ki la pyrshah ïa ki jingleh jong ki pulit bad ki la pyndonkam da ka jingïakhih.
Hynrei ka kynhun pulit ba la ïalam da u DCB Inspector u P Janaki ki la kem ïa u Markandeyan bad ïalam ïa u sha ophis jong u SP na ka bynta ban tohkit.
Ka jingtohkit ki pulit ha kaba ïadei bad kane ka jingjia ka dang ïaid shakhmat.
