Bengaluru, Naitung:
Ki nongrep ha Karnataka kum shi bynta ba kin lah ban pynbiang ïa ki jingdonkam bad ki jingdawa ha kaba ïadei bad ka kam rep, ki la buh jingkyrpad na ka sorkar ba kan khmih bniah ha kaba ïadei bad ki jingeh ba ki ïakynduh ha ka kam rep.
Ha kaba ïadei bad kane ka bynta, ki la buh ka jingkyrpad na ka sorkar bad ki la pynpaw ba kin sa nang ïakynduh jingeh shuh shuh khamtam kum ha kane ka por ba mynta, ha kaba ki la hap ban pynbun ïa ka dawai sboh na ka bynta ki jingthung, kane ka jingïakynduh jingeh jong ki ka la long na ka daw jong ka jingduna palat kine ki dawai sboh, kane ka la long ha kiba bun ki bynta jong ka jylla Karnataka.
Ka jingduna ka la long ïa ki dawai Di-ammonium Phosphate (DAP), ha kaba kane ka long kaba bha eh ha kaba ki nongrep ki ju kham pyndonkam ha ka ri na ka bynta ban pynheh pynsan ïa ki jingthung.
Ki nongrep bad ki heh ba dei khmih ha ki por ba la leit ki la pynpaw ba ka la don ka jingduna ha kaba ïadei bad ki dawai sboh DAP ha ki jaka ba la buh bad die ïa ki bad kane ka la long ka daw jong ka jingïakynduh jingeh jong ki nongrep.
ïa mynta ki bor ba dei khmih ki dang bteng ban ïaleh ban pynïoh ïa ki dawai sboh katkum ka jingdawa jong ki nongrep bad ïa kane ki la thmu ban pynbiang hashwa ba ka kam rep jong ki nongrep kan sdang.
