Ka jingim jong-ngi ki briew hangne ha pyrthei ka long tang shipor. Namar ngi long kiba dap da ka pop. Kumta ngi hap ban ïaid lyngba ki sñi ka jingiap. Namar ka bainong jong ka pop ka long ka jingiap. Ka jingim jongngi ki briew ngim don jingpher na u phlang u syntiew uba iap ryngkhiang bad jlop noh tang shiteng por. Namar ngim don ka jaka shong kaba neh. Namar ngim sumar ïa ka ktien U Blei. Kumta ngi mad keiñ ïaka jingiap. Namar ka ktien u Blei ka ong, lada uno uno ruh un sumar ïa ka ktien jong nga un ym mad ïa ka jingiap lano lano ruh (Ioannis 8 : 52). Ka mut ngi ki briew ngim sumar ïa ka ktien u Blei. Kumta ngi iap noh keiñ, namar ngim shahshkor bad ngim sumar ïa ka ktien u Blei. Kumta ngi hap ha ka jing-iap. Namar kum ki briew wat lada ngi leh bha bad im bha katno katno ruh ïa u Blei ngim lah ban ïa kynduh. Kumjuh lada ngi thok ngi shukor katno katno ruh katjuh ka jingim ngi ioh kum kito kiba im bha im miat. Baroh ynda ngi la leit noh na kane ka pyrthei ha lum jingtep u mawkyrteng ki tei. Hangne ha pyrhtei lada ngi lah to ngin kynriah noh na ka jingja kaba sniew baroh. Te ynda ngi iap ruh ka mynsiem ruh kan ym buhkhoh bad khuslei shuh. Tang kawei ka long ba ka jingim jongngi kan ym phaidien noh na u Blei. Ngi dei ban kynmaw ïa u Blei ha baroh ki sngi ka jingim.
C. B. Iawphniaw
