Bengaluru, Naitung:
Ka jingdon jong ki khynnah shynrang ha Karnataka kiba iehnoh shiteng por ïa ki skul ka la kiew bha ha kaba kane ka la buh ki jingmaham, ha kaba kane ka jylla ka don ha ka kyrdan kaba hakhliehduh ha ka thup jong ki jylla bad ki synjuk ha ka ri kiba bun eh ki jingpep skul ha ka pule puthi, haba kheiñ ïa ka kyrdan ba ar (ki kyrdan IX haduh XII).
Katkum ka jingkheiñ, 18.1% ki khynnah shynrang ha ka kyrdan pule ba ar na ka bynta u snem pule 2025-2026 ki la sangeh noh.
Ka jingshah kynnoh jong ka jylla ka wan katkum ka kaiphod ba dang shu pynmih shen jong ka Unified District Information System for Education Plus (UDISE+) report for National Education Programme (NEP)-compliant schools, ba la pynmih da ka Ministry of Education’s Department of School Education and Literacy jong ka sorkar pdeng.
Ban buh ïa ki jingkheiñ jong ka jylla ha ka jinglong jingman, ka kyrdan kaba ar kaba jan tam sha ka bynta barit jong ka Karnataka ka dei ka Chhattisgarh ha kaba 18% na ki khynnah shynrang jong ka ki la sangeh noh ïa ka jingpule, bud sa ka Ladakh (15.6%) bad ka Daman & Diu bad ka Dadra & Nagar Haveli (15%) nalor kiwei pat.
Ka jingpep skul jong baroh ki khynnah ha Karnataka kam shym la long satia ka jingpynjahthait, ha kaba ka jylla ka don tang ha ka kyrdan kaba ar ha ka thup jong ki jylla bad ki jaka synrop ha ka ri kaba bun eh ka jingpep skul ha ka pule puthi, haba kheiñ ïa ka kyrdan ba ar (ki kyrdan IX haduh XII), hadien tang ka Ladakh.
Ka jylla ka la ïoh ïa ka jingpep skul kaba 14.3% na ka bynta u snem pule 2025-2026, hadien ka Ladakh kaba long 14.8%.
Ka Karnataka ka la long ruh kawei na ki 12 tylli ki jylla lane ki Union Territory ha ka ri ban ïoh ïa ka jingkylla kaba 100% na ka kyrdan ba sdang (pre-standard III) sha ka kyrdan pynkhreh (ki kyrdan III haduh V).
Hynrei naduh ka kyrdan pdeng (ki kyrdan Vi haduh VIII) haduh ka kyrdan ba ar, ka jingkheiñ ka la hiar sha ka 97.6%.
Ka Kerala ka dei tang ma ka ka jylla kaba la ïoh ïa ka jingkylla kaba 100% ha ka kyrdan ba la kdew haneng.
