Chandigarh, Naitung:
Da kaba sah sa tang lai taïew ban rakhe ïa ka sngi laitluid jong u snem 2026, ki pulit jong ka Punjab ki la pynkhlaiñ ïa ki lad pahara ha kylleng ka jylla hadien ba ki la ïoh ïa ki jingtip ba thymmai kiba pyni ba ka kynhun ISI jong ka Pakistan bad ki kynhun lehnoh ba ïadei bad ka, ki thmu ban wanrah ïa ki jingpynthut.
Ki jingai jingmut ki pynpaw ba ki kynhun lehnoh kiba kyrshan ïa ka Khalistan, kiba ïadei khamtam bad ka Babbar Khalsa International (BKI), ryngkat bad ki kynhun lehnoh ba la pynbeit ryntih kiba treikam nabar ri, ki lah ban pyrshang ban leh ïa ki kam lehnoh da kaba pyndonkam da ki tiar ïaleh, ki kam syntiat bad ki kam lyngba ka jingpyndonkam da ki drone.
Ki tyllong khubor ki la kynnoh ba ki jingtip bathymmai jong ki riewstad ki pyni ïa ka jingkiew kaba jur jong ki jingshah thombor kum shi bynta jong ka buit jong ka ISI, kaba la kynnoh ba ka la wad ban pynthut ïa ka jinglong jingman jong ka aiñ ha ka jylla bad ban pynsniew ïa ka jingïatylli ha ka imlang sahlang la palat shisnem.
Ki tyllong khubor ki la kynnoh ba ki jingtip bathymmai jong ki riewstad ki pyni ïa ka jingkiew kaba jur jong ki jingshah thombor kum shi bynta jong ka buit jong ka ISI, kaba la kynnoh ba ka la wad ban pynthut ïa ka jinglong jingman jong ka aiñ ha ka jylla bad ban pynsniew ïa ka jingïatylli ha ka imlang sahlang la palat shisnem.
Ki kynhun lehnoh kiba kyrshan ïa ka Khalistan kum ka Babbar Khalsa International (BKI), nalor ki seng lehnoh ba la pynbeit ryntih kiba treikam na ka ri America, United Kingdom, Canada, Germany, France, Portugal, Malaysia bad kiwei kiwei ki ri, la ïathuh ba la pyndonkam ïa ki ban pynpoi ïa ki tiar lehnoh sha Punjab ban pynmih ïa ki kam thombor ha ka jylla.
Ki heh sorkar, kiba kwah ban pynpaw kyrteng, ki la ong, “Ka ISI ka la thmu ban leh ïa ki jinghiar thma lyngba ki dkhot jong ka bad kumjuh ruh hapoh ka jingtap jong ki kynhun ba thok kiba kyrshan ïa ka Khalistan, ka jingleh kaba thmu ban pynthikna ïa ka jinglah ban kyntait ïa ka jingdonkti beit jong ka.”
La ïoh jingtip ba ka jingpeit bniah hapoh ka jylla kaba pynshong nongrim ha kine ki jingpynrung ka la kdew ba ka jingbun ki tiar ïaleh ba la pynrung shapoh ka jylla ka la nang kiew palat ïa ki bom RDX kiba la pynshong nongrim ha ki bom IED ba ju pynbthei ha ki tiffin, ki bom kawang kti, ki tiar siat bakhlaiñ bor ki tiar siat kiba long automatic bad ki tiar siat barit.
“Ki IED bad ki bom petrol ba la shna thymmai kiba la shna lypa da ka RDX, kiba duna bor, kiba suk ban shna bad kiba treikam mar katjuh na ka bynta ki jingthmu ha ki kam lehnoh, ki la rung ruh ha kane ka jingthmu pyndonkam,” la bynrap ki heh sorkar.
Ki tyllong khubor ki la kam ba ka jingma ka la nang kiew ruh ban kynthup ïa ka jingthmu thombor beiñ ïa ki pulit, ki jingtei lynti rel bad kiwei kiwei ki jingtei kiba kongsan.
Ka jingbyrngem kam shym la kut tang ha ki pulit, ka CAPF bad ki jaka ïada ri, hynrei ka kynthup ruh ïa ki pulit ka Punjab kiba dang shakri bad kiba la shongthait kiba ïadei bad ki kam pyrshah lehnoh, kumjuh ruh ïa ki ophis bad ki nongïalam jong ki sengbhalang kiba don ha ka liang kaba dei.
Mynta u snem, 10 tylli ki kynhun jong ki lehnoh la lap da ki pulit ka jylla lyngba ki jingtohkit ba la ïalam da ki bor wad bniah bad ki jingtohkit ba ïaibteng.
Ki don haduh 137 ngut ki briew kiba la shah kem, katba 7 tylli ki suloi automatic, 76 tylli ki revolver bad ki pistol, 12 tylli ki bom RDX ba la shna lypa na ki IED, 3.756 kg u bom RDX, 9 tylli ki bom pynbthei, 49 tylli ki bom kawang kti, kawei ka RPG ryngkat ka launcher bad 7 tylli ki walkie talkie set ki la shah kurup.
Ha kajuh ka por, la lap ïa hynriew tylli ki jingjia ba la lah ban pynpulom bad la lah ban pynjulor ïa ki ktem, na ka jingbuh ïa ki kor CCTV ba pyndonkam da ka bor jong ka sngi kiba la pynshisha ba la pynpoi ïa ki durkhih kumba ki long sha ki nongpynïaid ha Pakistan.
Ki pulit ka Punjab ki la ïoh kurup ruh haduh 183 tylli ki drone ha kane ka por.
